अनिल देशमुखांविरोधात ईडीची मोठी कारवाई; तब्बल ‘इतक्या’ कोटींची मालमत्ता केली जप्त

🕒 1 min read

मुंबई : माजी पोलीस आयुक्त परमबीर सिंग यांनी माजी गृहमंत्री अनिल देशमुख यांच्यावर १०० कोटी वसुलीचे टार्गेट दिल्याचा धक्कादायक आरोप लावला होता. परमबीर सिंग यांच्या पत्रामुळे राजकीय वर्तुळात मोठी खळबळ माजली होती. या प्रकरणी अनिल देशमुख यांच्या दोन्ही खासगी सचिवांना अटक केली आहे.

तर, अनिल देशमुख यांच्या विविध मालमत्तांवर ईडीने छापेमारीला सुरुवात केली होती. आता अनिल देशमुख यांच्याविरोधात ईडीने मोठी कारवाई केली आहे. अनिल देशमुख आणि त्यांच्या कुटुंबियांच्या कोट्यवधीच्या मालमत्तेवर ईडीने जप्तीची कारवाई केली आहे. यामुळे अनिल देशमुख यांच्या अडचणीत आणखी वाढ झाली आहे. याआधी अनिल देशमुख यांच्या मुलासह पत्नीला देखील ईडीने समन्स बजावून चौकशीसाठी बोलावलं होतं.

ED has attached immovable assets worth ₹4.20 Crore belonging to Anil Deshmukh and his family under PMLA in a corruption case.

— ED (@dir_ed) July 16, 2021

यानंतर ईडीने मालमत्तेच्या जप्तीची कारवाई ही देशमुखांना मोठा धक्का मानला जात आहे. ईडीने ट्विटद्वारे आज केलेल्या कारवाईची माहिती दिली आहे. ईडीने अनिल देशमुख यांची स्थावर मालमत्ता जप्त केली आहे. जप्त केलेल्या या स्थावर मालमत्तेची किंमत 4.20 कोटी रुपये इतकी आहे. मनी लॉन्ड्रिंग प्रकरणात ईडीने ही कारवाई केली आहे. ईडीने जप्त केलेली मालमत्ता ही नागपूरमधील असल्याची माहिती आहे. पण या मालमत्तेत नेमकं काय-काय आहे याचा खुलासा ईडीकडून करण्यात आलेला नाही.

महत्वाच्या बातम्या 

• उत्तर प्रदेश सरकारने करोनाची दुसरी लाट अभूतपूर्व पद्धतीने नियंत्रणात आणली; मोदींकडून योगींचे कौतुक
• जेजुरीगडाच्या विकासासाठी अजित पवारांचा पुढाकार ! दिला तब्बल ‘इतका’ निधी
• सुशांतच्या बहिणीने ‘पवित्र रिश्ता २’ वर शेअर केली भावूक पोस्ट
• नाना पटोले काहीही बोलले तरी महाविकास आघाडीला धोका नाही – अजित पवार
• कोहलीच्या कॅप्टनसीमध्ये कोणत्याचं खेळाडूची जागा सुरक्षित नाही : मोहम्मद कैफ