महसूल मंत्री थोरात वडेट्टीवारांना म्हणाले, ‘मोठी संधी मिळेल, वाट पाहा!’

मुंबई : आपण ओबीसी असल्यानंच महसूल खातं मिळालं नसल्याचा आरोप मदत व पुनर्वसन मंत्री विजय वडेट्टीवार यांनी केला होता. त्यांचा हा आरोप काँग्रेससह महाविकास आघाडीला घरचा आहेर असल्याचं बोललं जात आहे. यावरून राज्याच्या राजकारणात खळबळ उडाली आहे. दरम्यान, त्यांच्या या वक्तव्यावरून काँग्रेस नेते तथा महसूल मंत्री बाळासाहेब थोरात यांनी सबुरीचा सल्ला दिला आहे. ‘वडेट्टीवार यांना पुढील काळात मोठी संधी मिळेल, त्यांनी थोडी वाट पाहावी,’ थोरात यांनी दिला.

थोरात म्हणाले, ‘काँग्रेस पक्षाने वसंतराव नाईक यांना मुख्यमंत्री बनवलं. बॅरिस्टर अंतुले यांना काँग्रेसने संधी दिली. वडेट्टीवार यांचं वय पाहिलं तर मोठी संधी पुढच्या काळात मिळेल.काँग्रेस बिलकुल जातीयवादी किंवा धर्मवादी पक्ष नाही. सगळ्यांना एकत्र घेऊन जाणारा धर्मनिरपेक्ष पक्ष आहे. वडेट्टीवार यांना वेगळं काहीतरी म्हणायचं असेल, आपल्या सगळ्यांचा गैरसमज झाला असेल. वडेट्टीवारांचं वय पाहिलं तर खूप मोठी संधी पुढच्या काळात मिळणार आहे. त्याकरता त्यांना थोडीशी वाट पाहावी लागेल’.

काय म्हणाले होते वडेट्टीवार?
‘महाराष्ट्रात ३ दिवस फिरलो, तरी २५ लाखांची सभा होईल. ‘झुकती है दुनिया झुकाने वाले चाहिये’. मला ओबीसीचं खातं भेटलं तेव्हा चपरासी देखील नव्हता. मी उधारीवर हे खातं चालवतो. समाज कल्याणच्या भरवशावर ओबीसी खातं चालवतोय. ओबीसी खात्यात जागा भरण्यासाठी पैसे नाही म्हणतात. कार्यालयालाही जागा नाही. काही दिवस रुसलो होतो, मग वाटलं चुकी झाली,’ असं देखील वडेट्टीवार म्हणाले.

महत्वाच्या बातम्या

• देशात पहिल्यांदा ड्रोनने अतिरेकी हल्ला, जम्मू एअरबेसवर दोन बॉम्बस्फोट
• ‘विजय वडेट्टीवार यांना दुसऱ्या किंवा तिसऱ्या क्रमांकाचं खातं द्यायला हवं होतं, मात्र…’
• पुण्यात उद्यापासून नियम आणखी कडक; जाणून घ्या आज किती रुग्ण संख्या
• औरंगाबादकरांसाठी आनंदाची बातमी; कोरोना रुग्ण संख्येत कमालीची घट
• ‘तो वाघ आमच्या इशाऱ्यावर चालतो’; विजय वडेट्टीवारांचा शिवसेनेला अप्रत्यक्ष टोला