सकारात्मक : पुणे शहरातील ऍक्टिव्ह कोरोना रुग्णांची संख्या ८ हजारांच्या आत !

पुणे : कोरोनाच्या दुसऱ्या लाटेने राज्यासह देशभरात हाहाकार माजवला आहे. मार्च पासून रुग्ण संख्या झपाट्याने वाढत गेल्याने आरोग्य सेवेवर प्रचंड ताण निर्माण झाला होता. यामुळे राज्यात कडक निर्बंध लावण्यात आल्यानंतर गेल्या काही दिवसांपासून कोरोना रुग्णांचा आलेख हा उतरता असल्याचं दिसून येत आहे.

पहिल्या लाटेच्या तुलनेत कोरोनाच्या दुसऱ्या लाटेत अधिक रुग्ण नोंदवले जात आहेत. दरम्यान. पुणे शहरात एप्रिल महिन्यात दररोज पाच ते सात हजार रुग्णांची वाढ होत होती. यामुळे पुणे शहरासह जिल्ह्यासाठी देखील ही बाब गंभीर होती. मात्र, आता कोरोना रुग्णांच्या आकड्यात मोठी घट होत असून कोरोना बाधितांची संख्या देखील अधिक आहे.

पुणे शहरात आज सलग आठव्या दिवशी नव्या कोरोनाबाधितांची संख्या ही एक हजाराच्या आत आहे. शहरात आज ५८८ नवे कोरोना रुग्ण आढळले असून ९२१ रुग्णांनी कोरोनावर यशस्वीपणे मात केली आहे. तर, ऍक्टिव्ह रुग्णांची संख्या आता आठ हजारांच्या खाली आली आहे. सध्या ७ हजार ९९० रुग्णांवर पुण्यात उपचार सुरु आहेत. त्यापैकी ९९६ रुग्णांची प्रकृती गंभीर आहे. तर, १ हजार ८६२ रुग्ण ऑक्सिजनच्या साहाय्याने उपचार घेत आहेत. आज ३३ रुग्णांचा कोरोनाने दुर्दैवी मृत्यू झाल्याची नोंद करण्यात आली आहे. यासोबतच, अद्यापही कोरोनाच संकट हे पूर्णपणे नष्ट झालं नसल्याने काळजी व खबरदारी घेणं गरजेचं आहे.

महत्वाच्या बातम्या 

• ‘त्या’ नियमांना व्हॉट्सऍप युजर्सनी घाबरण्याची गरज नाही; केंद्र सरकारचं स्पष्टीकरण
• ‘आरक्षणासाठी लोकांना रस्त्यावर उतरण्याची चिथावणी देणाऱ्या भाजपला महाराष्ट्राचं युपी करायचंय का ?’
• शिक्षकांचा एप्रिलचा पगार ‘सीएमपी’नेच होणार, सीईओंची शिक्षक सेनेला ग्वाही!
• ‘त्या’ व्हिडीओ मधील मारहाण करणाऱ्यांची होणार चौकशी – पोलिस अधीक्षक विनायक देशमुख
• ‘जाणत्या पवारांना बारवाल्यांची असलेली कळकळ लक्षात घेऊन ठाकरे सरकारने दारूबंदी उठवली’