चेन्नई – द्रमुक नेते एम. के. स्टॅलिन यांनी आज तमिळनाडूच्या मुख्यमंत्रीपदाची शपथ घेतली राज्यपाल बनवारीलाल पुरोहित यांनी स्टॅलिन यांच्या सह अन्य 33 मंत्र्यांना पद आणि गोपनीयतेची शपथ दिली.नुकत्याच झालेल्या विधानसभा निवडणुकीत द्रमुक पक्षानं मोठा विजय मिळवला.द्रमुकचे दिवंगत नेते एम. करुणानिधी यांचे पुत्र असलेले स्टॅलिन हे प्रथमच मुख्यमंत्रीपदी आले आहेत.
करुणानिधी यांच्या 2018 मध्ये झालेल्या निधनानंतर स्टॅलिन यांनी पक्षाच्या अध्यक्षपदाची धुरा सांभाळली आहे. स्टॅलिन हे 1989 पासून पाच वेळा विधानसभेवर निवडून गेले आहेत.ते 2009 मध्ये राज्याचे पहिले उपमुख्यमंत्री बनले होते.
दरम्यान,द्रमुकने प्रचारादरम्यान सर्व रेशनकार्डधारकांना प्रत्येकी 4 हजार रुपये देण्याचे जाहीर केले होते. या आश्वासनानुसार एम. के. स्टॅलिन यांनी रेशनकार्डधारकांना २ हजार रुपयांचा पहिला हप्ता मंजूर केला आहे. त्यामुळे तामिळनाडूमधील 2,07,67,000 रेशनकार्डधारकांना एकूण 4,153.69 कोटी रुपये मिळणार आहेत.
सरकारकडून पुरविण्यात येणारे आविन या दुधाचे दर 3 रुपयांनी कमी केले आहेत. या निर्णयाची 16 मे पासून अंमलबजावणी होणार आहे. तामिळनाडूच्या सरकारी बसचा प्रवास महिलांसाठी मोफत असणार आहे. या निर्णयाची शनिवारीपासून अंमलबजावणी होणार आहे. त्यासाठी राज्य सरकारने 1,200 कोटी रुपयांचे अनुदान मंजूर केले आहेत.
तुमच्या मतदारसंघात मुख्यमंत्री’ ही योजना राबविण्यासाठी स्वतंत्र विभाग आणि त्यासाठी आयएएस अधिकारी नेमण्याचा निर्णयही एम. के. स्टॅलिन यांनी मंजूर केला आहे. या योजनेंतर्गत मुख्यमंत्री स्टॅलिन 100 दिवसांमध्ये निवडणुकीतील आश्वासनांची पूर्तता करण्यासाठी प्रयत्न करणार आहेत.
महत्वाच्या बातम्या
- ‘संजय काकडेंवर आता तुरुंगात जायची वेळ आलीये’, ‘त्या’ वक्तव्यावर नवाब मलिक संतापले
- ‘मोदीसाहेब, बंगालच्या पराभवाचा राग पेट्रोल डिझेलवर का काढताय?’, रुपाली चाकणकरांचा टोला
- अग्नितांडव सुरूच : नितीन देसाई यांच्या स्टुडिओला लागली आग, जोधा अकबर सेट जळून खाक
- ‘मराठा आरक्षणासाठी वेळप्रसंगी मुख्यमंत्र्यांच्या नेतृत्वात पंतप्रधानांची भेट घेवू’
- ‘कोरोना लसीकरणाची गती कमी होऊ देऊ नका’, पंतप्रधान मोदींचे राज्यांना आवाहन
बातम्यांसाठी YouTube चॅनेल Subscribe करा
Subscribe Now
