सलग मिळालेल्या दोन्ही विजयाचे श्रेय ‘या’ दोन खेळांडूना : कर्णधार विराट कोहली

चेन्नई : आयपीएलमध्ये बुधवारी झालेल्या अटीतटीच्या सामन्यात विराट कोहलीच्या बेंगलुरु रॉयल चॅलेंजर्स संघाने हैदराबाद सनरायझर्स संघाचा ६ धावांनी पराभव केला आहे. स्पर्धेतील आरसीबीचा हा सलग दुसरा विजय आहे तर हैदराबादच्या संघाचा सलग दुसरा पराभव आहे. धडाकेबाज अर्धशतक करणाऱ्या आरसीबी संघाच्या ग्लेन मॅक्सवेलला सामनावीराच्या पुरस्काराने सन्मानीत करण्यात आले.

आरसीबीच्या संघाचा या स्पर्धेतील हा सलग दुसरा विजय आहे. सामन्यानंतर कोहलीने या विजयाचे विशेष श्रेय ग्लेन मॅक्सवेल आणि युवा गोलंदाज हर्षद पटेल यांना दिले. यापुर्वी सलामीच्या सामन्यात आरसीबीने मुंबई इंडियन्सच्या संघाचा २ गडी राखुन पराभव केला होता. तर बुधवारी झालेल्या सामन्यात हैदराबाद संघाचा ६ धावांनी पराभव केला. या दोन्ही सामन्यात फलंदाज ग्लेन मॅक्सवेल ने चांगली फलंदाजी करत धावसंख्येला हातभार लावला.

सलामीच्या सामन्यात मॅक्सवेलने २८ चेंडुत ३ चौकार आणि २ षटकाराच्या मदतीने ३९ धावा केल्या होत्या. तर हैदराबाद विरुद्धच्या सामन्यात ४१ चेंडुत ५ चौकार आणि ३ षटकाराच्या मदतीने ५९ धावांची खेळी केली. तर युवा गोलंदाज हर्षद पटेलने गोलंदाजीत चांगली कामगीरी केली. पहिल्या सामन्यात हर्षदने ४ षटकात २७ धावा देत ५ गडी बाद केले होते. तर हैदराबाद विरुद्धच्या सामन्यात ४ षटकात २५ धावा देत दोन गडी बाद केले. यावेळी मला संघाचा अभिमान वाटत आहे असे कर्णधार कोहली म्हणाला.

महत्वाच्या बातम्या

• मरण झाले स्वस्त! उस्मानाबादेत एकाच वेळी १९ मृतदेहांवर अंतिम संस्कार
• पराभव पचविणे अवघड आहे ; खराब फलंदाजीमुळे सामना गमावला : वॉर्नर
• पराभवानंतरही हैदराबादचा कर्णधार वॉर्नरचा मोठा विक्रम; गब्बर आणि हिटमॅनला टाकले मागे
• विवोचा ब्रॅण्ड अॅम्बेसेडर बनला कोहली
• विराट कोहली पुन्हा भडकला; रागाच्या भरात कोहलीने केले असे काही