मनसुख हिरेन मृत्यू प्रकरणाची फाईल अमित शहांकडे?; ठाकरे सरकारच्या अडचणी वाढणार

🕒 1 min read

मुंबई : अंबानी स्फोटक प्रकरणात सुरु असलेल्या चौकशीत प्रत्येक दिवशी नवनवीन आणि धक्कादायक खुलासे होताना दिसत आहेत. मुंबईमध्ये गाडीत स्फोटक सापडल्या प्रकरणी मुंबई पोलीस दलाचे निलंबित अधिकारी सचिन वाझे यांना राष्ट्रीय सुरक्षा तपास यंत्रणा अर्थात एनआयएने (NIA) अटक केली आहे. सचिन वाझेंना २५ मार्च पर्यंत एनआयए कोठडी सुनावण्यात आली असून या प्रकरणामुळे राजकीय क्षेत्रात देखील मोठी खळबळ उडाल्याचे दिसून आलं आहे.

उद्योगपती अंबानी यांच्या निवासस्थानाबाहेर आढळून आलेल्या कारचा तपास हाती घेणाऱ्या एनआयएनं मनसुख हिरेन प्रकरणाचा तपासदेखील स्वत:कडे घेण्याची तयारी सुरू केली आहे. सचिन वाझे प्रकरणात वेगवेगळे खुलासे समोर येत आहे. त्यामुळे विरोधक सरकारला वारंवार घेरण्याचा प्रयत्न करत आहे. त्यात आता मनसूख हिरेन आत्महत्या केस देखील एनआयएकडे जाण्याची शक्यता आहे.

मनसुख हिरेन प्रकरणाच्या चौकशीसाठी आवश्यक परवानग्या केंद्रीय गृह मंत्रालयाकडून घेण्याचं काम सुरू झाल्याचं वृत्त एका वाहिनीने दिलं आहे. त्यामुळे मनसूख हिरेन प्रकरणाची फाईल आता केंद्रीय गृहमंत्री अमित शाह यांच्याकडे गेल्याचं बोललं जात असून यामुळे राज्य सरकारच्या अडचणी वाढणार, अशी चर्चाही सुरू झाली आहे.

महत्त्वाच्या बातम्या

• मोठी बातमी : पोलीस आयुक्त परमबीर सिंग यांची उचलबांगडी
• फडणवीस थेट दिल्लीत पत्रकार परिषद घेणार; वाझे-हिरेन प्रकरणी नवा दावा करणार ?
• सान्या मल्होत्राच्या आगामी सिनेमाचा ट्रेलर रिलीज
• विनामास्क आईस्क्रीम विक्रेत्याला जिल्हाधिकाऱ्यांनी लावला दंड
• जळगाव मनपा महापौर-उपमहापौर निवडणूक ऑनलाईनच होणार