शेतकरी आंदोलनाच्या मुद्द्यावरून प्रियंका गांधी यांची मोदी सरकावर तिखट शब्दात टीका

🕒 1 min read

नवी दिल्ली : गेल्या काही दिवसांपासून दिल्ली सीमेवर कडाक्याच्या थंडीत शेतकऱ्यांचे आंदोलन सुरू आहे. केंद्र सरकारने लादलेले जाचक तीन कृषी कायदे रद्द करण्याच्या मागणीवर शेतकरी नेते ठाम आहेत. देशभरातून शेतकऱ्यांना समर्थन वाढत आहे. अशात हे कायदे शेतकरी हिताचे असल्याचे सांगणाऱ्यांची देखील संख्या मोठ्या प्रमाणावर आहे.

दरम्यान, शेतकऱ्यांनी दिल्लीला जाणारे काही महामार्ग रोखून धरले आहेत. शेतकरी रस्त्यावर उतरल्यानंतर त्यांनी दिल्लीमध्ये प्रवेश करण्याचा प्रयत्न केला. मात्र, पोलिसांनी त्यांना रोखलं असून शेतकऱ्यांनी कडाक्याच्या थंडीतही तिथेच ठाण मांडला आहे. सरकारने त्यांना मोकळ्या मैदानावर हटवण्याचं आवाहन केलं होतं. मात्र, आपल्या लढ्यावर शेतकरी ठाम राहिले.

हे प्रकरण सर्वोच्च न्यायालयापर्यंत पोहोचलं असून आंदोलन करणाऱ्या शेतकऱ्यांना रस्त्यावरुन हटविण्यात यावे, अशी मागणी करणारी एक याचिका सुद्धा सर्वोच्च न्यायालयात दाखल करण्यात आली आहे. दरम्यान, विरोधक देखील आंदोलनाच्या मुद्द्याचा फायदा घेण्यासाठी सरसावले आहेत.

कोरोना काल के बीच में संसद चलाकर भाजपा सरकार ने अरबपति मित्रों के लिए बनाए गए कृषि कानूनों को पास कर दिया लेकिन किसानों की मांग पर, 11 किसानों की शहादत व बाबा राम सिंह की आत्महत्या के बावजूद किसान बिलों पर चर्चा के लिए संसद नहीं खुल सकती.

इतना ज्यादा अहंकार और असंवेदनशीलता

— Priyanka Gandhi Vadra (@priyankagandhi) December 17, 2020

काँग्रेस सरचिटणीस प्रियंका गांधी यांनी ट्विट करत मोदी सरकारवर हल्लाबोल केला आहे. भर कोरोनाच्या विळख्यात संसदेचे दार उघडून भाजप सरकारने आपल्या अरबपती मित्रांच्या फायद्यांसाठी कृषी विधेयके तयार केली. मात्र शेतकऱ्यांच्या मागणीसाठी मोदी सरकारने संसदेचे दार उघडले नाही. केंद्र सरकारच्या या विधेयकाने 11 शेतकऱ्यांचे तसेच बाबा राम सिंह यांचे जीव घेतले आहे. इवढे अहंकार आणि संवेदनशीलता.असे ट्विट करत प्रियंका यांनी मोदी सरकारवर हल्लाबोल केला आहे.

महत्वाच्या बातम्या

• विद्यार्थ्यांसाठी खुशखबर : एक-दोन नव्हे तब्बल चार वेळा होणार JEE Main परीक्षा
• ऊस उत्पादक शेतकऱ्यांना मिळणार साडेतीन हजार कोटी रुपयांचं अर्थसहाय्य
• अतिवृष्टीच्या संकटातून सावरण्यासाठी राज्यात शेतकऱ्यांना दिवसा विज पुरवठा करा : भाजपा
• पहिल्या टेस्ट मॅचमध्ये पृथ्वी शॉ पुन्हा अपयशी, एकही रन न घेता माघारी
• अन्वय नाईक प्रकरण : आरोपपत्राला आव्हान देण्यास अर्णब गोस्वामींना हायकोर्टाची परवानगी