दिल्ली : महाराष्ट्रासह देशभरात पुन्हा एकदा कोरोनाचा प्रसार वेगाने होत आहे. कोरोना रुग्णांचा आकडा दिवसेंदिवस वाढतच आहे. अनेक उपाययोजना राज्यभरात राबवल्या जात आहेत. कोरोनाला नियंत्रणात आणण्यासाठी आवश्यक ते सर्व प्रयत्न प्रशासनाकडून करण्यात येत आहेत. तर दुसरीकडे लसीकरण देखील सुरु आहे.
दरम्यान, देशातील अनेक बड्या नेत्यांसह लोकप्रतिनिधींना देखील कोरोनाचा विळखा बसत आहे. १९ एप्रिल रोजी भारताचे माजी पंतप्रधान आणि कॉंग्रेसचे जेष्ठ नेते मनमोहन सिंग यांना कोरोनाची लागण झाली होती. दिल्लीतील एम्स रुग्णालयात त्यांच्यावर उपचार करण्यात येत होते. दरम्यान, आता त्यांनी कोरोनावर मात केल्याची माहिती समोर येत आहे.
८८ वर्षीय मनमोहन सिंग यांना कोरोनाची लागण झाल्याने चिंता व्यक्त करण्यात येत होती. विशेष म्हणजे त्यांनी कोरोना प्रतिबंधक लसीचे दोन्ही डोस घेतले आहेत. मनमोहन सिंग यांनी कोरोनावर मात केली असून त्यांना आज (गुरुवारी) एम्स रुग्णालयातून डिस्चार्ज देण्यात आला आहे. दरम्यान, कोरोना आटोक्यात आणण्यासाठी त्यांनी पंतप्रधान नरेंद्र मोदी यांना पत्र लिहून महत्वाच्या सूचना केल्या होत्या. यावरून काही नेत्यांनी त्यांच्यावर टीकास्त्र देखील सोडलं होतं.
महत्वाच्या बातम्या
- शेतकऱ्यांनी शिल्लक सोयाबीन बियाणे इतरांना द्यावे, मंत्री गुलाबराव पाटील यांचे आवाहन
- लष्करप्रमुख-पंतप्रधानांची भेट; लष्कराची रुग्णालये आता सामान्य नागरिकांसाठी खुली
- तिसऱ्या टप्यासाठी मानवत शहरामध्ये ७ लसीकरण केंद्रे सुरु करण्याची मागणी
- राज्य सरकारचीच चौकशी करा; परमबीर सिंह यांची न्यायालयात याचिका
- ‘राज्याचे आरोग्यमंत्री गांजा ओढून प्रेस घेतात का ?’ पडळकरांची टोपेंवर जहरी टीका
बातम्यांसाठी YouTube चॅनेल Subscribe करा
Subscribe Now
