🕒 1 min read
नवी दिल्ली : केंद्रीय अर्थमंत्री निर्मला सीतारमण यांनी शनिवारी व्हिडिओ कॉन्फरन्सिंगद्वारे GST परिषदेच्या 44 व्या बैठकीचे अध्यक्षतेखाली पार पडली आहे. या बैठकीत झालेल्या निर्णयांची माहिती निर्मला सीतारामन यांनी पत्रकार परिषद घेऊन दिली. यात म्युकरमायकोसिसवरील सर्व औषधं टॅक्स फ्री करण्याचा महत्वाचा निर्णय घेण्यात आला आहे. तर अॅम्ब्युलन्सवरील जीएसटी २८ टक्क्यांवरून आता १२ टक्क्यांवर आणण्यात आला आहे. त्यामुळे नागरिकांना मोठा दिलासा मिळणार आहे. याशिवाय कोरोना संबंधीच्या उपकरणांवरील जीएसटी देखील कमी करण्यात आला आहे.
दरम्यान, कोरोना लसीवर ५ टक्के जीएसटी यापुढेही कायम राहणार असल्याचं अर्थमंत्र्यांनी सांगितलं आहे. आज बैठकीत घेण्यात आलेल्या निर्णयांची अधिसुचना उद्या जारी केली जाईल असंही सीतारामन यांनी स्पष्ट केलं आहे. तसंच जीएसटीचं आज जारी करण्यात आलेले दर ३० सप्टेंबर २०२१ पर्यंत लागू राहणार आहेत अशी माहिती देखील त्यांनी यावेळी दिली आहे. तसेच कोरोना रुग्णावर उपचारासाठी महत्वाचं ठरत असलेल्या रेमडेसिवीरवरील जीएसटीमध्येही मोठी कपात करण्यात आली आहे. रेमडेसिवीरवरील जीएसटी आता ५ टक्के इतका करण्यात आला आहे. याआधी रेमडेसिवीरवर १२ टक्के जीएसटी आकारण्यात येत होता.
दरम्यान, कोरोना विषाणूच्या दुसऱ्या लाटेनंतर ब्लॅक फंगस अर्थात काळ्या बुरशीचे प्रमाण आता वाढू लागले आहे. तसेच काळ्या बुरशीच्या औषधाअभावी रुग्णांची अडचणही वाढत आहे. देशात बुरशीचे प्रकार सतत वाढत आहेत. विशेष गोष्ट म्हणजे रोग नियंत्रण व प्रतिबंध यासाठी अमेरिकेच्या केंद्रांच्या आकडेवारीनुसार म्युकोर मायकोसिस किंवा काळ्या बुरशीचे मृत्यू दर 54 टक्के आहे.
महत्वाच्या बातम्या
- काल भाजप आणि आज मुकुल रॉय यांनी सोडली केंद्राकडून मिळालेली सुरक्षा
- कसोटीचे महाभारत! सहावा सामन्यात मंयकच्या द्विशतकाने बांग्लादेश चित
- सहा षटकार मारल्यानंतर अशी होती धोनीची प्रतिक्रिया ; युवराज सिंगने सांगितला किस्सा
- ‘सौ चुहे खा के बील्ली चली हज को’ गैरवर्तनानंतर शाकिबने मागितली माफी
- फ्रेंच ओपन: जोकोविचा अंतिम फेरीत प्रवेश, नदालचा पराभव करत परतफेड
बातम्यांसाठी YouTube चॅनेल Subscribe करा
Subscribe Now
