सीसीटीव्हीच्या निगराणीत असलेल्या स्थानकातून १७३ किलो ‘कॉपर’ची चोरी, औरंगाबाद रेल्वेस्थानकाची सुरक्षा ऐरणीवर!

औरंगाबाद : शहरातील अनेक भागांमध्ये चोरीच्या घटना घडल्या आहेत. मात्र सीसीटीव्हीच्या निगराणीत असलेल्या रेल्वे स्टेशनमध्येच चोरी सारख्या घटना घडायला लागल्या तर सुरक्षेचा प्रश्न उपस्थित होतो. रेल्वे स्थानकावरील  ट्रान्स्फॉर्मरमधील (विद्युत रोहित्र) चक्क १७३ किलो कॉपर चोरट्यांनी पळविले आहे. याबाबत रेल्वे सुरक्षा बलाच्या वतीने चोरांचा शोध सुरु असल्याची माहिती देण्यात आली.

लॉकडाऊनमुळे रेल्वे बंद होत्या. हळूहळू कोरोनाच्या रुग्णांचा आकडा कमी झाल्याने रेल्वे देखील रुळावर आल्या. त्यामुळे प्रवाशी संख्या देखील वाढली आहे.  त्यातच आता चोरांचे प्रमाण देखील वाढताना दिसत आहे.  रेल्वे स्थानकावर असलेल्या ट्रान्सफॉर्मर मधील कॉपरच चक्क चोरट्यांनी पळविले असल्याची माहिती समोर आली आहे. ही घटना २४ तारखेला मध्यरात्री १ ते ४ च्या दरम्यान घडली.  तेव्हापासून रेल्वे सुरक्षा बलाच्या वतीने चोरट्यांचा शोध घेतली जात आहे.

याचा तपास आरपीएफ पोलीस निरीक्षक अरविंद शर्मा आणि  पोलीस उपनिरीक्षक विजय वाघ हे घेत आहेत. सेक्शन इंजिनिअर यांच्या ऑफिसजवळील ट्रान्सफॉर्मर मधील कॉपर नेमका चोरट्यांनी पळविला कसा? याबाबत चौकशी सुरू करण्यात आली आहे. याशिवाय चोरांचा देखील शोध घेतला जात आहे. आतापर्यंत दोन संशयीत वाहनधारकांना ताब्यात देखील घेऊन त्यांची चौकशी केली. मात्र अद्यापही चोरट्यांचा शोध लागलेला नाही. कॉपर चोरट्यांचा लवकरात लवकर शोध घेऊन योग्य ती कारवाई केली जाईल. असेही रेल्वे सुरक्षा बलाच्या वतीने स्पष्ट करण्यात आले आहे.

महत्त्वाच्या बातम्या

• शिवसेनेचे छत्र सदैव सर्वसामान्य माणसासोबत – आ.अंबादास दानवे
• केंद्र सरकारचे उत्पन्न वाढले, जीएसटी संकलन एक लाख कोटींवर, ३३ टक्क्यांची वाढ
• ‘हम दो, हमारे दो की सरकार’, राहुल गांधींच्या मोदींना ‘फ्रेंडशिप डे’च्या खोचक शुभेच्छा
• एमपीएससीच्या रिक्त जागा तातडीने भरा, अन्यथा आत्महत्येची परवानगी द्या; औरंगाबादेत विद्यार्थ्यांचा संताप!
• …तर पुण्यातील दुकाने परस्पर संध्याकाळपर्यंत उघडी ठेऊ; व्यापारी महासंघाचा इशारा