परभणी जिल्ह्यात १०३३ कोरोना बाधित, २० रुग्णांचा मृत्यू, नागरिकांनो काळजी घ्या

परभणी : जिल्ह्यात मंगळवारी १ हजार ३३ व्यक्ती कोरोनाबाधित आढळल्या तर २० रुग्णांचा मृत्यू झाला.७३५ व्यक्ती कोरोनामुक्त झाल्याची माहिती जिल्हा शासकीय रुग्णालयाने प्रसिध्दीपत्रकाव्दारे दिली. नागरिकांनी काळजी घेण्याचे आवाहन या वेळी प्रशासनाकडून केले आहे.

रुग्णालयातील कक्षात ६ हजार ८६० कोरोनाबाधित रुग्ण उपचार घेत आहेत. आजपर्यंत ८३३ कोरोनाबाधित व्यक्तीचा मृत्यू झाला आहे. तर जिल्ह्यात आजपर्यंत ३३ हजार १३३ कोरोनाबाधित व्यक्ती आढळल्या आहेत. त्यापैकी २५ हजार ४४० व्यक्ती कोरोनामुक्त झाल्या आहेत. रुग्णालयातर्फे आतापर्यंत २ लाख ३२ हजार ९४९ व्यक्तींचे नमुने तपासण्यात आले आहेत.

या केलेल्या तपासणीमध्ये १ लाख ९९ हजार ८४० व्यक्तींचे नमुने निगेटिव्ह आले आहेत. तर ३२ हजार ४२ व्यक्तींचे नमुने पॉझिटिव्ह, ९२७ अनिर्णायक, १४० नमुने नाकारल्या गेले असल्याचे जिल्हाधिकारी दीपक मुगळीकर व जिल्हा शल्यचिकित्सक डॉ.बाळासाहेब नागरगोजे यांनी प्रसिध्द केलेल्या प्रेसनोटद्वारे कळवले आहे. जिल्हाधिकारी यांनी कोरोना नियमांते काटेकोरपणे नियमांचे पालन करण्याचे आवाहन करुन विना मास्क तसेच विना कारण घराच्या बाहेर फिरु नये,अन्यथा अँटिजन स्टेस्ट देखील करण्यात येणार असल्याचे या वेळी जिल्हाधिकारी दीपक मुगळीकर यांनी सांगितले.

महत्त्वाच्या बातम्या          

• राहुल गांधींसह सोनिया गांधींबाबत आक्षेपार्ह जाहिरात; काँग्रेसचं कंपनीविरोधात खळ्ळ-खट्याक !
• आधी रक्तदान करा आणि त्यानंतरच कोरोना प्रतिबंधात्मक लस घ्या – विजय वडेट्टीवार
• बीड जिल्हाबंदी; नाकाबंदीवर पोलिसांसोबत शिक्षक देखील तैनात
• राज्यभर आरोग्य सुविधांचा बोजवारा, आरोग्यमंत्री फक्त तोंडपाटीलकीत बिझी
• प्रवासी संख्या कमी असल्याने काही रेल्वे केल्या रद्द