🕒 1 min read
बीड: एकीकडे कोरोना तर दुसरीकडे अवैध धंदे दोन्हीला आळा घालणे कठीण काम झाले आहे. मात्र जिल्ह्यात कोरोना आता बऱ्यापैकी आटोक्यात येत आहे. पण अवैध धंदे मात्र सुरूच आहेत. दुकाने बंद ठेवावे लागत असल्याने मागच्या दाराने तसेच शहरातील कबाड गल्लीतून एक लाखाची दारू जप्त करण्यात आली आहे. गोपनीय माहितीच्या आधारे हा छापा टाकण्यात आला होता. ही कारवाई राज्य उत्पादन शुल्क विभागाच्या पथकाने शुक्रवारी केली.
सध्या लॉकडाऊन असून मद्याची अवैधरीत्या विक्री होऊ नये, याकरिता राज्य उत्पादन शुल्क विभागाची पथके जिल्हाभरात करडी नजर ठेवून आहे. राज्य उत्पादन शुल्क विभागाच्या पथकाने बीड शहर पोलिस ठाण्याच्या हद्दीतील कबाड गल्लीतील अंकुश वसंतराव कदम याच्या घरी छापा टाकला असता तेथील जिन्याखाली एक लाख ६४ हजार १६० रुपये किमतीचे देशी दारूचे बॉक्स आढळून आले. देशी दारूचा हा साथ पोलिसांनी ताब्यात घेऊन टाकला व संबंधितावर कारवाई करण्यात आली.
दरम्यान, अंकुश कदमकडून देशी दारू खरेदीकरिता आलेला दादासाहेब सदाशिव कांबळे (४२ वर्षे, रा. पंचशील नगर, बीड) यालाही अटक केली. अंकुश कदम फरार असून त्याचा शोध सुरू आहे. दोन्ही आरोपींविरुद्ध ठाण्यात गुन्हा नोंदवला. ही कारवाई राज्य उत्पादन शुल्क बीड विभागाचे अधीक्षक नितीन धार्मिक यांच्या मार्गदर्शनात पोलिस निरीक्षक कडवे व आदींनी केली. लॉकडाऊन कालावधीत १ एप्रिल २०२१ पासून राज्य उत्पादन शुल्क विभागाने जिल्हाभरात अवैध दारूविक्री विरोधात राबवलेल्या मोहिमेत ९७ गुन्हे नोंदवले तर ५२ आरोपींना अटक केली. या कालावधीत देशी-विदेशी दारूचा मुद्देमाल व वाहनांसह १ कोटींचा मुद्देमाल जप्त केला. -नितीन धार्मिक, अधीक्षक, राज्य उत्पादन शुल्क.
महत्वाच्या बातम्या
- वंचित लोक, अनाथ बालकांसाठी सुविधा मजबूत करा; केंद्राचे राज्यांना निर्देश
- पदोन्नतीतील आरक्षण नाकारणारा निर्णय रद्द करा-प्रा. जोगेंद्र कवाडे
- तिसऱ्या लाटेत लहान मुलांना कोरोनाचा धोका; मुख्यमंत्र्यांनी दिला डॉक्टरांना ‘हा’ खास सल्ला
- मलायका सोबतच्या अफेयरवर अर्जून कपुरने पहिल्यांदाच सोडले मौन, म्हणाला…
- बीडमध्ये कोरोना रुग्णांचा उतरता क्रम
