मुंबई: उद्योग मंत्री सुभाष देसाई यांनी महत्वाची घोषणा केली आहे. नवी मुंबईतील म्हापे येथे जेम्स अँड ज्वेलरी पार्कसाठी टीटीसी औद्योगिक क्षेत्रात (TTC industrial area for Navi Mumbai) ८६०५३ चौरस मीटर भूखंड वितरित करण्यात आला असून एमआयडीसी संचालक मंडळाच्या बैठकीत भूखंड विकासाचा कालावधी पाच वर्षांपर्यंत वाढवून देण्याचा निर्णय़ घेण्यात आला आहे. अशी माहिती सुभाष देसाई यांनी (Industry Minister Subhash Desai) ट्वीट करत दिली आहे.
यामुळे देशातील रत्न आणि आभूषणे उद्योग उद्यान नमुनेदार पद्धतीने जेम्स व ज्वेलरी एक्सोर्ट प्रमोशन काऊन्सिलतर्फे विकसित केले जाणार आहेत. या ठिकाणी १३५४ दागिने उत्पादक कारखाने सुरू होतील,त्यामुळे १ लाख रोजगार उपलब्ध होणार (1 lakh jobs will be created through jewelery factory)आहेत. यासाठीच या ठिकाणी सुमारे १४ हजार कोटींची गुंतवणूक होणार आहे, असा मला विश्वास आहे. असे सुभाष देसाई यांनी म्हटले आहे.
नवी मुंबईतील म्हापे येथे जेम्स अँड ज्वेलरी पार्कसाठी टीटीसी औद्योगिक क्षेत्रात ८६०५३ चौरस मीटर भूखंड वितरित करण्यात आला. एमआयडीसी संचालक मंडळाच्या बैठकीत भूखंड विकासाचा कालावधी पाच वर्षांपर्यंत वाढवून देण्याचा निर्णय़ घेण्यात आला. pic.twitter.com/A8q43FGm3L
— Subhash Desai (@Subhash_Desai) February 2, 2022
दरम्यान डोंबिवली औद्योगिक क्षेत्रातील रासायनिक, धोकादायक, अतिधोकादायक असे १५६ कारखाने स्थलांतरित करण्याचा महत्वपूर्ण निर्णय़ आज महाराष्ट्र औद्योगिक विकास महामंडळाच्या संचालक मंडळाच्या बैठकीत घेण्यात आला. या ठिकाणी वारंवार होणारे अपघात तसेच प्रदूषणाचा मुद्दा ऐरणीवर आल्यानंतर येथील कारखाने इतरत्र हलविण्याचा निर्णय घेण्यात आला. त्यानुसार डोंबिवलीतील १५६ धोकादायक कारखाने पाताळगंगा एमआयडीसी परिसरात हलविण्यात येणार आहेत. अशी माहिती सुभाष देसाई यांनी ट्वीटद्वारे दिली आहे.
दरम्यान नंदूरबार जिल्ह्यातील नवापूर परिसरात उद्योग उभारण्यासाठी पॉलीफिल्म प्रा. लि. कंपनीने पुढाकार घेतला असून सुमारे पाचशे कोटी रुपयांची गुंतवणूक करण्याची कंपनीने तयारी दर्शविली आहे. याद्वारे आदिवासी भागात सुमारे दोन हजार जणांना रोजगार उपलब्ध होणार आहेत. येथे येणाऱ्या कंपन्यांना सर्व सुविधा उपलब्ध करून देण्याची तयारी महाराष्ट्र औद्योगिक विकास महामंडळाने केली आहे. अशी माहिती सुभाष देसाई यांनी दिली आहे.
महत्वाच्या बातम्या:
- U19WC: भारतीय संघाचा आज ऑस्ट्रेलिया विरुद्ध सेमीफायनल सामना
- “शरद पवारांकडे क्रिकेटचा दांडगा अनुभव २० हजार धावा..”, राऊतांच्या ‘त्या’ टीकेला भातखळकरांचा टोला
- फुसक्या व पोकळ अर्थसंकल्पातून युवकांची घोर निराशा; शिवसेना नेते चंद्रकांत खैरेंची टीका!
- नुसरत जहाँने यश दासगुप्तासोबतच्या दुसऱ्या लग्नाचे सांगितले सत्य, वाचा अधिक
- IPL २०२२: मेगा ऑक्शनसाठी ५९० खेळाडूंची नावे आणि १० संघांचे बजेट जाहीर
बातम्यांसाठी YouTube चॅनेल Subscribe करा
Subscribe Now
