मुंबई: शिवसेना नेते संजय राऊत ( Shiv Sena leader Sanjay Raut) यांच्यावर भाजप नेते टीका करण्याची एकही संधी सोडत नाही. त्यातच वाईन उद्योगसंबंधी भाजप नेते किरीट सोमय्या (BJP leader Kirit Somaiya) यांनी केलेल्या आरोपांनी ते चर्चेत आहेत. यावरच राऊतांनी सोमय्या आणि भाजपचे केंद्रीय गृहमंत्री अमित शाह यांच्यावर निशाणा साधला होता. आज त्यांनी अमित शाह यांचे पुत्र जय शाह(Jai Shah) यांच्यावर निशाणा साधला आहे.
अमित शाह यांचे चिरंजीव असलेले जय शाह यांच्या आर्थिक विषयाबद्दल मी बोलणार नाही, पण त्यांना क्रिकेटचा काय अनुभव आहे, देशाचे क्रिकेट त्यांनी ताब्यात घेतले आहे. पण त्यांना क्रिकेटचा काय अनुभव आहे, हे भाजपने सांगावे. असा सवाल संजय राऊत यांनी केला आहे. आता यावरच भाजप नेते अतुल भातखळकर यांनी प्रत्युत्तर (Atul Bhatkhalkar response to Sanjay Raut criticism) दिले आहे.
संजय राऊतांचे आदर्श शरद पवार यांच्याकडे क्रिकेटचा दांडगा अनुभव होता. 20 हजार धावा, 500 बळी त्यांच्या नावावर होते. pic.twitter.com/SoD7v9HnXr
— Atul Bhatkhalkar (@BhatkhalkarA) February 2, 2022
“संजय राऊतांचे आदर्श शरद पवार यांच्याकडे क्रिकेटचा दांडगा अनुभव होता. २० हजार धावा, ५०० बळी घेण्याचा रेकॉर्ड त्यांच्या नावावर आहे.” असा खोचक टोला अतुल भातखळकर यांनी लगावला आहे. दरम्यान किरीट सोमय्या यांनी अशोक गर्ग कंपनीसोबत संजय राऊत आणि त्यांच्या दोन्ही मुलींनी पार्टनरशीप केली असल्याचा आरोप केला आहे. त्यावरून भाजप आणि सेनेत शाब्दिक वार पहावयास मिळत आहे. मात्र या वादात अतुल भातखळकर यांनी थेट शरद पवारांवर निशाणा साधला आहे. कारण २०१० ते २०१२ काळात शरद पवार आयसीसीचे माजी अध्यक्ष होते.
महत्वाच्या बातम्या:
- फुसक्या व पोकळ अर्थसंकल्पातून युवकांची घोर निराशा; शिवसेना नेते चंद्रकांत खैरेंची टीका!
- नुसरत जहाँने यश दासगुप्तासोबतच्या दुसऱ्या लग्नाचे सांगितले सत्य, वाचा अधिक
- IPL २०२२: मेगा ऑक्शनसाठी ५९० खेळाडूंची नावे आणि १० संघांचे बजेट जाहीर
- “सर्वात जास्त दारू पिणारे लोक भाजपात आहे”, नवाब मलिकांचा टोला
- ‘मी सरेंडर होण्यासाठी कोर्टात जातोय’ – नितेश राणे
