🕒 1 min read
औरंगाबाद : जळगाव राष्ट्रीय महामार्गावर आळंद (ता.फुलंब्री) येथील ( गणपती माथ्या पुढे) औरंगाबाद येथून जळगाव कडे जाणाऱ्या स्विफ्ट कारच्या चालकाचा ताबा सुटल्याने कार पुलाच्या कठाड्याला धडकून पुलाखाली कोसळली. या अपघातात १ महिला ठार झाली तर ४ जण जखमी झाले आहेत.
कोथरूड (पुणे) येथून कार क्र (एम. एच.१२ एफ. यु. ९१२६) जळगावकडे जात असतांना दुपारी दोनच्या सुमारास हा अपघात झाला. यामध्ये प्राची सुधीर कुलकर्णी (वय-४५ रा कोथरुड, पुणे) या अपघातात गंभीर जखमी झाल्या तर त्यांचे पती चालक सुधीर कुलकर्णी यांच्यासह एक महिला, पुरुष व एक १२ वर्षाची मुलगी जखमी झाले . यावेळी सहाय्यक पोलीस निरीक्षक ( नागरिक हक्क पथक औरंगाबाद ग्रामीण) नामदेव चव्हाण, जमादार एस.बी. देशमुख, तातेराव हाव्हळे हे तपास कामी कायगाव कडे जात होते.
त्यांनी अपघातातील जखमीना रुग्णालयात दाखल केले. त्यावेळी प्राची सुधीर कुलकर्णी यांना डॉक्टरांनी तपासून मृत घोषित केले. यात ४ जण जखमी आहे. या अपघाताची वडोद बाजार पोलीसात नोंद करण्यात आली आहे. पुढील तपास स. पो. नि. आरती जाधव यांच्या मार्गदर्शनाखाली जमादार दत्ता मोरे पुढील तपास करत आहे.
महत्वाच्या बातम्या :
- रोहित शर्मा सर्वोत्कृष्ट कर्णधार : सूर्यकुमार यादव
- हरलीनच्या ‘त्या’ कॅचवर महिंद्रा यांची विशेष टिप्पणी, म्हणाले…
- सूर्यकुमार यादववर नाराज डेव्हिड वॉर्नर ; ट्विट करत म्हणला, ‘मला विश्वास बसत नाहीये’
- दिडशतकी खेळीनंतर महमूदूल्लाहने निवृत्ती जाहिर करत दिला मोठा धक्का
- ‘तोडेंगे दम मगर तेरा साथ ना छोडेंगें’ धोनीसोबत मीही निवृत्ती घेणार, रैनाचं मोठं वक्तव्य
