चिंताजनक! उदगिरात २ दिवसात १८८ जण कोरोना पॉझिटिव्ह

लातूर : राज्यासह जिल्ह्यात कोरोनाचे कहर दिसत आहे. उदगीर जिल्ह्यात करण्यात येत असलेल्या चाचण्यांमध्ये कोरोना बाधित रुग्णांची संख्या दिवसेंदिवस वाढत चाललेली आहे. शुक्रवार व शनिवार या दोन दिवसांमध्ये १८८ जणांचा अहवाल कोरोना पॉझिटिव्ह आला आहे. तर कोरोना मुक्त झालेल्या १४ जणांना रुग्णालयातून डिस्चार्ज देण्यात आला आहे. शुक्रवारी जळकोट येथील एका ८० वर्षीय बाधित रुग्णाचा मृत्यू झाला आहे. उदगीरात सध्या ३६७ कोरोना बाधित रुग्णावर उपचार सुरू असल्याची माहिती मिळाली आहे.

उदगीर शहर व तालुक्यातील ग्रामीण भागात गेल्या काही दिवसापासून कोरोना विषाणूचा प्रादुर्भाव वाढत चाललेला आहे. परंतु विनाकारण सार्वजनिक ठिकाणी व रस्त्यावर फिरणाऱ्या नागरिकांची गर्दी कमी होताना दिसून येत नाही. कोरोना बाधित रुग्ण संख्या वाढत चाललेली आहे. त्यातच गंभीर असलेल्या कोरोना बाधित रुग्णांच्या मृत्यूचे प्रमाणही वाढल्याचे दिसून येत आहे. शासन व प्रशासनाच्या वतीने नियमांचे पालन करण्याचे आवाहन करण्यात येत आहे.

परंतु याकडे काही नागरिकांचे दुर्लक्ष होत असून विना मास्क सार्वजनिक ठिकाणी फिरताना आढळून येत आहेत. शिवाय शारीरिक अंतराचे पालन होताना दिसून येत नाही. यामुळे कोरोना विषाणूचा प्रादुर्भाव दिवसेंदिवस वाढत चाललेला आहे. शुक्रवारी उदगीरात करण्यात आलेल्या कोविड – १९ चाचणीमध्ये एकूण ९४ जणांचा अहवाल कोरोना पॉझिटिव आला होता. तर दुसऱ्या दिवशी शनिवारी पुन्हा ९४ जणांचा अहवाल पॉझिटिव्ह आलेला आहे. दोन दिवसांमध्ये उदगीरात एकूण १८८ कोरोना बाधित रुग्ण आढळून आले आहेत.

महत्वाच्या बातम्या 

• ‘निवडणूक आयोग’, ईव्हीएम मशीन प्रकरणावर राहुल गांधींचे दोन शब्दांत ट्विट
• आरसीबीच्या हुकूमी एक्क्याला कोरोनाची लागण
• कोरोनाशी लढा एकट्या सरकारचा नाही तर सर्व जनतेचा – उद्धव ठाकरे
• ‘कोणत्या दबावाखाली भाजप नेत्याची प्रचारबंदी 48 तासांऐवजी 24 तास केली ?’
• गांधीगिरी! आ.सुरेश धस यांनी केला विनामास्क फिरणाऱ्यांचा सत्कार