आज राष्ट्रवादीचे अध्यक्ष शरद पवार यांच्या सिल्वर ओक या निवासस्थानाबाहेर एस टी कामगारांनी मोर्चा काढला. यावेळी एस टी कामगार फारच आक्रमक झाले होते. एस टी विलीनिकरणास शरद पवारांनी अडथळे आणले, असा आरोप कामगारांनी केला. यादरम्यान कामगार व पोलिसांमध्ये वाद घडत होते. काही आंदोलकांना पोलिसांनी ताब्यात हि घेतले आहे.
यावर भाजप प्रवक्ते अतुल भातखळकरांनी ट्विट करत प्रतिक्रिया दिली आहे. भातखळकरा म्हणाले, “एसटी चा संप न्यायालयामुळे मिटला, एका अर्थी कर्मचाऱ्यांच्या पदरात भरघोस फायदे पडले. नोकरीही सुरक्षित राहिली. परंतु या राज्य सरकारच्या नाकर्तेपणामुळे १०० हून अधिक आपल्या सहकाऱ्यांनी आत्महत्या केल्याची वेदना या कर्मचाऱ्यांना अजूनही सलते आहे. त्या ज्वालामुखीचा हा उद्रेक आहे.”
दरम्यान सुप्रिया सुळे यांनी आंदोलकांना शांततेचं आवाहन केले आहे. शांततेच्या मार्गाने चर्चेची तयारी दर्शवली आहे. आपले आई वडील व मुलगी यांच्या सुरक्षेची काळजी मला वाटते, असे सुप्रिया सुळे यांनी म्हंटले आहे
महत्वाच्या बातम्या :
