मोतीलाल व्होरा यांच्या निधनाने अत्यंत निष्ठावान व अनुभवी नेतृत्व हरपले – बाळासाहेब थोरात

मुंबई : काँग्रेसचे ज्येष्ठ मोतीलाल वोरा याचं निधन झालं आहे. ते ९३ वर्षांचे होते. मोतीलाल वोरा यांनी दोनवेळा मध्यप्रदेशचे मुख्यमंत्रीपद भुषवलं आहे. 20 डिसेंबर रोजी त्यांचा वाढदिवस होता. अधिक काळातपर्यंत काँग्रेसचे कोषाध्यक्ष असलेले मोतीलाल वोरा हे मध्यप्रदेशचे माजी मुख्यमंत्री होते.यासह उत्तर प्रदेशचे माजी राज्यपाल म्हणून देखील त्यांनी कार्यभार सांभाळला होता. वोरा यांच्या निधनामुळे काँग्रेसच्या देशपातळीवरील राजकारणात मोठी पोकळी निर्माण झाली आहे.

काँग्रेस पक्षाचे ज्येष्ठ नेते व मध्य प्रदेशचे माजी मुख्यमंत्री मोतीलाल व्होरा यांचे निधनाचे वृत्त अत्यंत वेदनादायी आहे. त्यांनी आपले संपूर्ण आयुष्य काँग्रेस पक्षासाठी वाहून घेतले होते. शेवटपर्यंत ते काँग्रेस विचारासाठी जगले. त्यांच्या निधनाने पक्षाने अत्यंत निष्ठावान व अनुभवी नेतृत्व गमावले आहे, अशा शब्दात महाराष्ट्र प्रदेश काँग्रेस कमिटीचे अध्यक्ष तथा महसूलमंत्री बाळासाहेब थोरात यांनी आपल्या शोकभवना व्यक्त केल्या आहेत.

मोतीलाल व्होरा यांनी आपली कारकिर्द पत्रकार म्हणून सुरु केली होती. १९६८ साली त्यांनी राजकारणात प्रवेश केला. १९७० मध्ये त्यांनी मध्य प्रदेश विधानसभा निवडणूक लढवून विजय संपादन केला तर १९७७ आणि १९८० मध्ये पुन्हा विजय संपादन केला. त्यांनी दोन वेळा मध्य प्रदेशचे मुख्यमंत्रीपद भूषवले. मध्य प्रदेश काँग्रेस कमिटीचे प्रदेशाध्यक्ष, केंद्रीयमंत्री, उत्तर प्रदेशचे राज्यपालपद भूषवले. १८ वर्ष अखिल भारतीय काँग्रेस कमिटीच्या खजिनदारपदाची जबाबदारी सांभाळली. ते राज्यसभेचे सदस्यही होते. पक्ष संघटनेतील विविध पदांची जबाबदारीही त्यांनी य़शस्वीपणे पार पाडली. कालच त्यांनी ९३ वा वाढदिवस साजरा केला. त्यांच्या निधनाने काँग्रेस पक्षाची मोठी हानी झाली आहे. व्होरा यांना श्रद्धांजली अर्पण करुन महाराष्ट्र प्रदेश काँग्रेस कमिटी व्होरा कुटुंबियांच्या दुःखात सहभागी आहे, असे थोरात म्हणाले.

महत्वाच्या बातम्या 

• तुकाराम मुंढेंना नडणाऱ्या संदीप जोशींनी दिला महापौरपदाचा राजीनामा!
• फायझर लसीमुळे महिलांना दाढी आल्यास कंपनी जबाबदार नाही : ब्राझीलचे राष्ट्राध्यक्ष बाेल्साेनाराे
• अनुसुचित जाती जमातींच्या विकासासाठी काँग्रेस कटिबद्ध – बाळासाहेब थोरात
• केंद्र सरकारने मका आणि बाजरी खरेदीची मर्यादा वाढवावी – छगन भुजबळ
• कांजूरमार्गच्या जागेसाठी राज्य सरकारने आक्रस्ताळेपणा करू नये – रामदास आठवले