मुंबई : काँग्रेसचे आमदार रावसाहेब अंतापूरकर यांचे कोरोना संसर्गामुळे निधन झाले होते. त्यांच्या निधानानंतर ही जागा रिक्त होती. आता या जागेवर पोटनिवडणूक होणार आहे. देगलूर विधानसभेची पोटनिवडणूक होत आहे. यावर आता राष्ट्रवादी काँग्रेसचे नेते, उपमुख्यमंत्री अजित पवार यांनी माहिती दिली आहे.
देगलूर विधानसभेची पोटनिवडणूक होत आहे, त्यामुळे त्या जागेवर आम्ही त्याच पक्षाचा म्हणजेच काँग्रेसचाच उमेदवार देणार आहोत. या संदर्भात आम्ही मंत्री अशोक चव्हाण यांच्याशी चर्चा केली आहे. या जागेवर आम्ही ‘पंजा’ चिन्ह असलेला उमेदवार देणार असून दोन्ही पक्ष त्याला पाठिंबा देणार आहेत, असं अजित पवार म्हणाले. मात्र देगलूरसाठी अद्याप अधिकृत उमेदवाराची घोषणा करण्यात आलेली नाही.
नांदेड जिल्ह्यातील देगलूर–बिलोली विधानसभेच्या पोटनिवडणुकीसाठी 30 ऑक्टोबरला मतदान होणार आहे. तर 3 नोव्हेंबर रोजी मतमोजणी होणार आहे. काँग्रेस नेते रावसाहेब अंतापूरकर यांचे काही दिवसांपूर्वी कोरोनामुळे निधन झाले होते. ते नांदेड जिल्ह्यातील देगलूर-बिलोली विधानसभा मतदारसंघाचे आमदार होते.
अंतापूरकर यांच्या निधनानंतर देगलूर-बिलोली मतदारसंघाची जागा सध्या रिक्त आहे. त्यामुळे आगामी काळात पोटनिवडणूक होणार आहे. याच कारणामुळे येथील राजकारण तापले आहे. या निवडणुकीच्या अनुषंगाने राजकीय पक्षांनी पावलं टाकायला सुरुवात केली आहे.
महत्वाच्या बातम्या:
- नाराज सिद्धुंचे मन वळविण्यात मुख्यमंत्र्यांचे यश
- ‘सिद्धूसारख्या उपऱ्या बोलघेवड्यांवर फाजील विश्वास टाकण्याची गरज नव्हती’
- काँग्रेस बुडवायची सुपारी त्यांच्याच लोकांनी घेतली-संजय राऊत
- महागाईचा फटका! कमर्शियल एलपीजी गॅसच्या दरात वाढ
- ‘भाजपालाही काँग्रेसचे टॉनिक लागते, पण हे काँग्रेस नेतृत्वास कधी उमगणार?
