खडसेंची अटक टळणार का ? ; आज होणार सुनावणी

🕒 1 min read

मुंबई : एकनाथ खडसे यांनी कुटुंबीयांच्या नावे पुण्यातील भोसरी येथे खरेदी केलेल्या जमिनीमुळे ते वादाच्या भोवऱ्यात सापडले होते. या प्रकरणामुळे एकनाथ खडसे यांना फडणवीस सरकारमधील महसूल मंत्रिपद सोडावे लागले होते. नंतरच्या काळात एकनाथ खडसे हे लाचलुचपत प्रतिबंधक खात्याचा पुणे व नाशिक विभाग, प्राप्तीकर विभाग आणि झोटिंग समितीच्या चौकशीला सामोरे गेले होते, यावेळी त्यांना क्लिनचीट देखील देण्यात आली होती.

काही दिवसांपूर्वी खडसे आणि त्यांच्या कन्येची ईडीकडून सुमारे साडे सहातास चौकशी करण्यात आली होती. या चौकशीनंतर ईडीच्या कार्यालयातून बाहेर पडल्यावर एकनाथ खडसे यांनी ईडीला चौकशीसाठी संपूर्ण सहकार्य करणार असल्याचे तसेच ईडीला जी कागदपत्रे लागतील ती देणार असल्याचे त्यांनी सांगितले होते. एकनाथ खडसे यांना ईडीने ३० डिसेंबरला चौकशीला हजर राहण्यासाठी समन्स बजाविले होते.

मात्र ईडीनं खडसेंविरोधात ईसीआयआर दाखल केल्याने खडसेंनी याप्रकरणी दाखल गुन्हा रद्द करत अटकेपासून दिलासा देण्याची मागणी करत हायकोर्टात याचिका दाखल केली आहे. या याचिकेवर आज न्यायमूर्ती एस एस शिंदे आणि न्यायमूर्ती मनीष पितळे यांच्या खंडपीठासमोर सुनावणी होणार आहे.

तत्पूर्वी, खडसेंच्यावतीने कोर्टाला सांगितले होते की, ‘ते आजारी असून ते उपचार घेत आहेत. ईडीनं इसीआयआर पीएमएलए कायद्यानंतर्गत दाखल केला आहे. ते समन्सला कोणतेही उत्तर न देता जर ते शांत राहिले तर ईडीतर्फे त्यांना अटकही केली जाईल. ईडी जर त्यांना अटक करणार नाही अशी हमी देत असेल तर आम्ही याचिका मागे घेऊ. अस मत खडसेंच्या वतीने मांडण्यात आलेले आहे. यामुळे आज कोर्टात होणार्या सुनावणी मध्ये खडसेंना दिलासा मिळतोय का हे पाहणे उत्सुकतेचे ठरणार आहे.

महत्वाच्या बातम्या

• राहुल गांधींच्या ‘त्या’ प्रश्नावर भाजपने काढला राहुल यांचा खापर पणजोबा!
• सेलेब्रेटींचं ‘Tweet Together’; शेतकरी आंदोलनासंबंधित सायना नेहवालनं अक्षय कुमारचं ट्विट केलं कॉपी 
• ट्रॅक्टर रॅलीत दगावलेल्या शेतकऱ्याच्या कुटुंबीयांना भेटण्यासाठी प्रियंका गांधी रवाना
• ‘मी शेतकऱ्याची लेक, बळीराजाला पाठिंबा देण्यासाठी आज गाझीपूर सीमेवर जाणार’
• ‘ट्वीट करण्याआधी दिल्लीत जाऊन शेतकऱ्यांची परीस्थिती बघा’ संजय राऊतांचा सेलिब्रिटींना टोला