‘ट्वीट करण्याआधी दिल्लीत जाऊन शेतकऱ्यांची परीस्थिती बघा’ संजय राऊतांचा सेलिब्रिटींना टोला

🕒 1 min read

मुंबई : कृषी कायद्यांविरोधात मागच्या दोन महिन्यांपासून शेतकऱ्यांचे आंदोलन सुरू आहे. आता या आंदोलनाच्या समर्थनार्थ परदेशी सेलिब्रिटीही पुढे आले आहेत. पॉप सिंगर रिहानाने समर्थनार्थ ट्वीट केल्यानंतर पर्यावरण कार्यकर्ती ग्रेटा थनबर्ग, पूर्वाश्रमीची पॉर्न स्टार मिया खलिफानेही या आंदोलनाला पाठिंबा दिला.

हा विषय जागतिक सेलिब्रिटींनी उपस्थित केल्यानंतर आता देशातही एक आवाज उठविला जात आहे की, हा प्रश्न पूर्णपणे भारताचा अंतर्गत प्रश्न आहे. यामुळे यावर बोलण्याचा अधिकार फक्त भारतीय लोकांनाच मिळाला पाहिजे. क्रिकेटचा देव म्हणून ओळखल्या जाणाऱ्या सचिन तेंडुलकरनेही याबाबत सरकारला पाठिंबा दिला आहे. सचिन तेंडुलकरच्या ट्वीटनंतर भारतातील अनेक क्रिकेटपटूंनी यावर ट्वीट केले आहे. त्याच बरोबर लता मंगेशकर यांनी देखील यावर ट्वीट केले आहे.

यावरून आज शिवसेनेचे खासदार संजय राऊत यांनी सरकारला शेतकरी आंदोलनामध्ये पाठींबा देणाऱ्या सेलिब्रेटींना टोला लगावला आहे. आपण शेतकर्यांनी पिकवलेल्या अन्नावर जगतो. जगभरातून या आंदोलनाला पाठींबा मिळत आहे. मात्र यावेळी सेलिब्रेटींनी सरकारला पाठींबा देताना आज दिल्लीच्या सीमांवर जाऊन शेतकऱ्यांची स्थिती जाऊन जाणून घ्यावी आणि मग मत व्यक्त कराव असा सल्ला यावेळी रा ऊत यांनी दिला. तर सेलिब्रेटींना सरकारने सेलिब्रेटी केलेले नाही लोकांनी केले आहे. ही आठवण देखील त्यांनी यावेळी करून दिली.

महत्वाच्या बातम्या :

• शेतकरी आंदोलनावर लता मंगेशकर यांचीही प्रतिक्रिया, म्हणाल्या…
• धक्कादायक! एचआयव्हीबाधीत ५ विद्यार्थ्यांना वर्गाबाहेर काढले; मुख्याध्यापकाकडून आरोपाचे खंडण
• शेतकरी आंदोलनावर क्रिकेटपटूंचे ट्विटस् कसे? काँग्रेस नेता म्हणाला…
• शेतकरी आंदोलनावर सचिन-विराट, रोहितनंतर अनेक क्रिकेटपटूंची प्रतिक्रिया, म्हणाले…
• ‘शाब्बास देवेंद्रजी! आपण सरकारची ‘मन की बात’च जाहीर केली !’