भाजप नेत्यांना सुशांत सारखी भावना अन्वय नाईक यांच्या बद्दल का वाटत नाही? – सचिन सावंत

मुंबई : अन्वय नाईक प्रकरण सध्या देशभरात गाजत आहे. या प्रकरणी रायगड पोलिसांनी रिपब्लिक टीव्हीचे संपादक अर्णब गोस्वामीला अटक केली आहे. अर्णब गोस्वामी यांच्या अडचणीत दिवसागणिक वाढ होताना दिसत आहे.

अर्णब गोस्वामी यांच्यासह फिरोज शेख, नितेश सरडा या तिन्ही संशयित आरोपींची रवानगी अलिबागमधील नगरपालिकेच्या शाळेत करण्यात आली होती. काल, अर्णबच्या जामीनावर सुनावणी झाली मात्र तिथे देखील त्याला न्यायालयाने दिलासा न दिल्याने आज त्याची कारागृहात रवानगी करण्यात आली आहे.

दरम्यान, अर्णबवरील ही कारवाई राजकीय सूडबुद्धीने केली जात असल्याचा आरोप करत भाजप नेत्यांनी निषेध केला. तर, राज्यभरात अनेक ठिकाणी भाजपतर्फे आंदोलन देखील करण्यात आलं. भाजप आमदार राम कदम हे पायी सिद्धिविनायकाच्या दर्शनाला जाणार असून अर्णबच्या सुटकेसाठी ते बाप्पाला साकडं घालणार आहेत. तर याच प्रकरणावरून भाजपच्या इतर नेत्यांनी देखील सरकारला घेरण्याचा प्रयत्न सुरु केला आहे.

याच सर्व पार्श्वभूमीवर काँग्रेस प्रवक्ते सचिन सावंत यांनी भाजपला सडेतोड उत्तर दिलं आहे. त्यांनी एका ट्विटद्वारे भाजप नेते व माजी खासदार किरीट सोमय्या आणि आमदार राम कदम यांच्यावर निशाणा साधला आहे. “सुशांत सिंहबद्दलची भावना भाजपा नेत्यांना दिवंगत अन्वय नाईक यांच्या बद्दल का वाटत नाही? मराठी माणसाच्या व महाराष्ट्राच्या भाजपा नेते इतके विरोधात का? महाराष्ट्रातील मायलेकींना न्याय मिळाला यांचे किरीट सोमय्या आणि राम कदम यांना दुःख झाले. महाराष्ट्राची १३ कोटी जनता माफ करणार नाही” असा घाणाघात सचिन सावंत यांनी केला आहे.

सुशांत सिंहबद्दलची भावना भाजपा नेत्यांना दिवंगत अन्वय नाईक यांच्या बद्दल का वाटत नाही? मराठी माणसाच्या व महाराष्ट्राच्या भाजपा नेते इतके विरोधात का?
महाराष्ट्रातील मायलेकींना न्याय मिळाला यांचे @KiritSomaiya , @ramkadam यांना दुःख झाले. महाराष्ट्राची १३ कोटी जनता माफ करणार नाही

— Sachin Sawant सचिन सावंत (@sachin_inc) November 8, 2020

महत्वाच्या बातम्या 

• अन्वय नाईक आणि ठाकरेंमध्ये आर्थिक देवाणघेवाण ? निलेश राणेंचा गंभीर आरोप
• नोटबंदी ही पंतप्रधानांनी एक जाणीवपूर्वक रचलेला कट होता – राहुल गांधी
• माय फ्रेंड डोलांड ट्रंप आता वाचवायला येणार नाही – सचिन सावंत
• आघाडीत बिघाडी? राष्ट्रवादीचा स्वबळाचा नारा, तर शिवसेना देखील भगवा फडकवण्यास सज्ज!
• कंगनाने साधला जो बायडेन यांच्यावर निशाणा; म्हणाली हे तर ‘गजनी’