औरंगाबाद : जालना लोकसभेचे खासदार तथा केंद्रीय रेल्वे राज्यमंत्री रावसाहेब दानवे नेहमी कोणत्या ना कोणत्या कारणाने चर्चेत असतात. त्यांचा लस घेतानाचा फोटो मागे चांगलाच व्हायरल झाला होता. ग्रामीण ढंगातील बोलण्यामुळे ते अनेकदा वादात सापडले होते. केंद्रीय मंत्री झाले तरी गावाकडची नाळ सुटली नसल्याचे एका प्रसंगावरून समोर आले आहे. त्यांनी चक्क पारावर बसून ग्रामस्थांसोबत सारीपाट या खेळाचा आनंद घेतला.
आज सोमवारी दानवे त्यांची सासुरवाडी सिल्लोड(जि.औरंगाबाद) तालुक्यातील निल्लोड येथे आले होते. पोळा सण असल्याने रस्त्याने जातांना एका ठिकाणी शेतकरी बैलांना सजवत असल्याचे त्यांना दिसले. यावेळी दानवे यांनी शेतात जाऊन बैलांना हाती धरुन पाहणी केली. त्यानंतर गावातून जात असताना मारुती मंदिरासमोर काही ग्रामस्थ सारीपाट खेळताना त्यांच्या नजरेस पडले.
निल्लोड येथे आज सारीपाट हा पुरातन खेळ खेळत असलेल्या जेष्ठ गावकरी मंडळींनी आग्रह केल्याने गावकऱ्यांसोबत या खेळाचा आनंद घेतला.
निल्लोड में आज गावं कें वरिष्ठ नागरिक जो सारिपत का प्राचीन खेल खेल रहे थें, उन्होंने मुझे आग्रह किया तो उनके साथ खेल का आनंद लिया। pic.twitter.com/BbyHfk4Eut
— Raosaheb Patil Danve (@raosahebdanve) September 6, 2021
ग्रामस्थांनी गावचे जावई असलेल्या मंत्री दानवे यांना सारीपाट खेळण्याचा आग्रह केला. अन् सासुरवाडीचा आग्रह ते मोडू शकले नाहीत. उत्सुकता म्हणून रावसाहेब दानवेंसह सर्वांनी काहीवेळ सारीपाटाच्या खेळाचा आनंद घेतला. दानवेंनी जमिनीवर बसून सारीपाट खेळाचा आनंद घेताना व्हि़डिओत दिसून येत आहेत.
दरम्यान, काही दिवसांपूर्वी केंद्रीय मंत्रीमंडळ विस्तारात बड्या नेत्यांना मोदींनी नारळ देत त्यांचे राजीनामे घेतले. रविशंकर प्रसाद, प्रकाश जावडेकर, डॉ. हर्षवर्धन या कॅबिनेट मंत्र्यांसह बारा जणांच्या या यादीत जालन्याचे खासदार रावसाहेब दानवे यांचे देखील नाव असल्याची चर्चा होती. मात्र, परंतु या बदलाच्या वावटळीत देखील दानवे यांचे मंत्रीपद साबूत राहिले. उलट दानवे यांना केंद्रातील महत्वाच्या रेल्वे खात्याचा कारभार सोपवत त्यांना मोठी जबाबदारीही देण्यात आली. त्यामुळे भल्याभल्यांना चकवा देणाऱ्या दानवेंनी सारीपाट खेळला याची चर्चा जोरात सुरू आहे.
महत्त्वाच्या बातम्या
- ‘उद्या तोच भगवा मुंबई महापालिकेवर फडकणारच’; नितेश राणेंचा विश्वास
- महाराष्ट्राची मान शरमेने खाली झुकली; पुण्यात १४ वर्षीय मुलीवर आठ नराधमांनी केला बलात्कार
- दिलासादायक : कोरोनावर प्रभावी ठरणाऱ्या ‘या’ औषधाच्या वापराला मंजुरी\
- मिलिंद सोमणची रुग्णालयातील पोस्ट पाहून नेटकरी संतापले
- ‘एक अजनबी हसीना से…’; शशी थरूर यांच्या गाण्याला रसिकांचा जोरदार प्रतिसाद
बातम्यांसाठी YouTube चॅनेल Subscribe करा
Subscribe Now
