‘राज्य सरकारनेही इंधनावरील कर थोडे कमी करून हातभार लावायला काय हरकत आहे?’

🕒 1 min read

मुंबई : दिवाळीच्या मुहूर्तावर सर्वसामान्यांना दिलासा मिळाला आहे. केंद्र सरकारकडून पेट्रोल आणि डिझेलच्या दरात मोठी कपात करण्यात आली आहे. केंद्र सरकारने बुधवारी पेट्रोल 5 आणि डिझेलच्या दरात  10 रुपयांची उत्पादन शुल्कात कपात केली आहे. कच्च्या तेलाच्या विक्रमी किमतींमध्ये 3 वर्षांतील केंद्रीय उत्पादन शुल्कात ही पहिली कपात आहे. यावरुन भाजपचे आमदार अतुल भातखळकर यांनी राज्य सरकारलाही पेट्रोल-डिझेलच्या दर कमी करण्यावर भाष्य केले आहे.

केंद्र सरकारने पेट्रोलच्या दरात 5 आणि डिझेल दरात 10 रुपयांची घसघशीत कपात केली आहे. पायाभूत सेवांचे शेकडो प्रकल्प, मोफत लसीकरण अशा अनेक सुविधा देऊनही केंद्र सरकार जर हे करू शकते तर राज्य सरकारनेही इंधनावरील कर थोडे कमी करून हातभार लावायला काय हरकत आहे?, असं अतुल भातखळकर म्हणाले आहेत.

केंद्र सरकारने पेट्रोलच्या दरात 5 आणि डिझेल दरात 10 रुपयांची घसघशीत कपात केली आहे.
पायाभूत सेवांचे शेकडो प्रकल्प, मोफत लसीकरण अशा अनेक सुविधा देऊनही केंद्र सरकार जर हे करू शकते तर राज्य सरकारनेही इंधनावरील कर थोडे कमी करून हातभार लावायला काय हरकत आहे?

— Atul Bhatkhalkar (@BhatkhalkarA) November 3, 2021

केंद्र सरकारच्या या निर्णयामुळे राष्ट्रीय राजधानी दिल्लीत गुरुवारी पेट्रोल आणि डिझेलचे दर अनुक्रमे 6.07 रुपये आणि 11.75 रुपयांनी कमी झाले. आता दिल्लीत एक लिटर पेट्रोलची किंमत 103.97 रुपये आणि डिझेलची किंमत 86.67 रुपये प्रति लिटर आहे. तर मुंबईत पेट्रोल आणि डिझेलचा दर अनुक्रमे 109.98 आणि 94.14 रुपये प्रतिलीटर इतका झाला आहे.

महत्वाच्या बातम्या

• दिवळीच्या दिवशी सर्वसामान्यांना दिलासा; पेट्रोल-डिझेलच्या दरात मोठी कपात
• ‘दादरा नगर हवेलीत मोदींचं नाव न घेता भाजपला माती चारली, ऐन दिवाळीत भाजपचे कंदील विझले’
• नव्या बीड बायपास रोडचे उद्घाटन होणार नितीन गडकरींच्या हस्ते; नोव्हेंबर अखेरीस पूर्ण होणार काम!
• ‘अखेर मुख्यमंत्री ठाकरेंनी मान्य केले की ते घरकोंबडे आहेत’
• अजित पवार बनवाबनवी आणि फसवाफसवी थांबवा- किरीट सोमय्या