मुंबई : शिवसेना पक्षाचे ‘धनुष्यबाण’ हे चिन्ह गोठवल्यामुळे ठाकरे गटाकडून निवडणूक आयोगाला तीन चिन्ह देण्यात आली आहेत. आता आयोग ठाकरे गटाला कोणतं चिन्ह देणार याकडे सर्वांचं लक्ष लागलं आहे. तसेच आपल्या सर्वांना शिवसेना पक्षाचा इतिहास माहित असेल, परंतू शिवसेना पक्षाच्या चिन्हाचा इतिहास माहीत आहे का ?. शिवसेनेला चिन्ह कधी मिळालं?, ते मिळायच्या आधी शिवसेनेनी कोणत्या पक्षांवर निवडणूका लढवल्या?. या सगळ्याची माहिती आज आपण घेणार आहोत.
काय आहे शिवसेना पक्षाच्या चिन्हामागचा इतिहास ?
शिवसेनेची स्थापना 1966 साली झाली आहे. त्यानंतर 1968 मध्ये शिवसेनेने पहिल्यांदा मुंबई महानगरपालिकेची निवडणूक ढाल तलवार या चिन्हावर लढवली होती. 1980 च्या लोकसभा आणि विधानसभा निवडणुकीत शिवसेनेला ‘रेल्वे इंजिन’ हे चिन्ह मिळाले होते. तर 1985च्या विधानसभा निवडणुकीत शिवसेनेच्या उमेदवारांना मशाल, सूर्य, वॅट बॉल अशी वेगळी चिन्हे मिळाली होती.
1989 च्या लोकसभा निवडणुकीत शिवसेनेला पहिल्यांदा धनुष्यबाण हे निवडणूक चिन्ह मिळाले होते. त्यामुळे 1989 पासून गेली 33 वर्ष लोकसभा विधानसभा तसेच स्थानिक स्वराज्य संस्थांमध्ये शिवसेनेचे धनुष्यबाण चिन्ह होते.
1989 आधी शिवसेना पक्षाची अधिकृत नोंदणी नव्हती. त्यामुळे लोकसभा किंवा विधानसभा निवडणुकीत शिवसेनेच्या विजयी उमेदवारांची नोंद ही अपक्ष म्हणूनच होत होती. परंतू नंतर 1989 मध्ये निवडणूक आयोगाकडे शिवसेनेची नोंद झाली अन् शिवसेनेला धनुष्यबाण चिन्ह मिळाले. तसेच, 1985 मध्ये ‘छगन भुजबळ’ निवडून आले होते, पण त्यांची गणना अपक्ष म्हणूनच करण्यात आली होती.
महत्वाच्या बातम्या :
- Health Tips | ‘या’ आजारांमुळे वाढू शकते वजन, जाणून घ्या!
- Nobel Prize in Economics | बेन बर्नान्के, डग्लस डायमंड आणि फिलिप डायबविग यांना नोबेल पुरस्कार जाहीर
- Vinayak Raut | “आम्ही दिलेली नावं घेण्याचा प्रयत्न गद्दार पार्टीने केला तरी…”, विनायक राऊत कडाडले
- Breaking News | आयोगाच्या निर्णयानंतर ठाकरे गट आणि शिंदे गटाला ‘हे’ चिन्ह मिळण्याची शक्यता
- Nana Patole | नागपूरचे २४ चड्डी पकडून भाजपने प्रशासकीय यंत्रणा ताब्यात घेतली – नाना पटोले
