राणेंच्या अटकेमुळे आम्ही घाबरणार नाही , दडपणार नाही- केंद्रीय मंत्री भारती पवार

🕒 1 min read

मुंबई : केंद्रीय मंत्री नारायण राणे यांनी मुख्यमंत्री उद्धव ठाकरेंबाबत केलेल्या आक्षेपार्ह वक्तव्याचे तीव्र पडसाद उमटत आहेत. राणेंच्या वक्तव्यानंतर शिवसेना-भाजप आमने-सामने आले आहेत. नाशिक पाठोपाठ पुण्यात राणें विरोधात गुन्हा दाखल झाल्यानंतर दोन्ही शहरांमधील पोलिसांचे पथक रत्नागिरीकडे रवाना झाले आहेत. दरम्यान, रत्नागिरी पोलिसांनी त्यांना संगमेश्वरमध्ये येथून ताब्यात घेतलं आहे.

नारायण राणे यांना आता संगमेश्वर पोलीस ठाण्यात नेण्यात आलं असून कार्यकर्त्यांनी बाहेरील परिसरात मोठी गर्दी केली आहे. तर दुसरीकडे भाजपच्या केंद्रीय नेत्यांकडून या कारवाईचा निषेध व्यक्त करण्यात येत आहे. आता मोदी सरकारच्या मंत्रिमंडळात असणाऱ्या भारती पवार यांनी देखील राज्यातील महाविकास आघाडीचा संचार घेतला आहे.

‘महाराष्ट्र सरकारकडून केंद्रीय मंत्री नारायण राणे यांची अटक हे घटनात्मक मूल्यांचे उल्लंघन आहे. अशा कृतीमुळे आम्ही घाबरणार नाही किंवा दडपणार नाही. सरकारचे हे कृत्य म्हणजे लोकांचा जन-आशीर्वाद यात्रेत भाजपाला मिळत असलेल्या प्रचंड पाठिंब्यामुळे आहे.’ असा टोला त्यांनी ट्वीट करून लगावला आहे.

महाराष्ट्र सरकार द्वारा केंद्रीय मंत्री @MeNarayanRane जी की गिरफ़्तारी संवैधानिक मूल्यों का हनन है I
इस तरह की कार्यवाही से ना तो हम डरेंगे, ना दबेंगे।
भाजपा को जन-आशीर्वाद यात्रा में मिल रहे अपार समर्थन से ये लोग परेशान है.

— Dr.Bharati Pravin Pawar (@DrBharatippawar) August 24, 2021

तर आता भाजपचे राष्ट्रीय अध्यक्ष जे.पी नड्डा यांनी देखील नारायण राणे यांच्यावर केलेल्या कारवाईची निषेध केला आहे. ‘केंद्रीय मंत्री नारायण राणे यांना महाराष्ट्र सरकारने अटक करणे हे घटनात्मक मूल्यांचे उल्लंघन आहे. अशा कृतीमुळे आम्ही घाबरणार नाही किंवा दडपणार नाही’. असे नड्डा म्हणाले आहेत. तर, भाजपच्या जन-आशीर्वाद यात्रेला मिळत असलेल्या मोठ्या प्रतिसादाला हे लोक घाबरले असल्याने अशी कारवाई होत असल्याचे देखील नड्डा म्हणाले आहेत. काहीही झाले तरी आम्ही लोकशाही पद्धतीने लढत राहू जन-आशीर्वाद सुरूच राहणार असे जे.पी नड्डा म्हणाले आहेत.

महत्त्वाच्या बातम्या

• महाराष्ट्रात अशा पद्धतीने केंद्रीय मंत्र्याला अटक होण्याची पहिलीच वेळ; राजकारणात उलथापालथ
• नारायण राणेंच्या घराबाहेर शिवसेना-भाजप कार्यकर्त्यांचा तुफान राडा, पोलिसांचा लाठीचार्ज; पाहा हा व्हिडिओ
• ‘नारायण राणे छक्का है, नारायण राणे भडवा है!’, संतप्त शिवसैनिकांची घोषणाबाजी
• ‘माझी बदनामी केली तर तुमच्याविरोधात गुन्हा दाखल करेन’, नारायण राणेंची वृत्तवाहिन्यांना धमकी
• ‘मुख्यमंत्री ठाकरेंकडून राष्ट्रदोह घडला, त्यावेळी का शांत होतात?’ राणे पत्रकारांवर घसरले