मुंबई : तिथीनुसार शिवजयंती साजरी करण्यावरुन मनसे नेते अमेय खोपकर आणि राष्ट्रवादीचे आमदार अमोल मिटकरी आपापसात भिडले असल्याचे दिसत आहे. अमोल मिटकरी यांनी शिवजयंती ही १९ फेब्रुवारीलाच साजरी झाली पाहिजे अशी भूमिका मांडली होती. यामध्ये व्होट बँकचं राजकारण दिसतंय, असंही ते म्हणाले होते.
यावर अमेय खोपकरांनी “आपण दरवर्षी दिवाळी, गणपती आणि हिंदू धर्माचे सण साजरे करतो ते तारखेनुसार साजरे करत नाही. महाराष्ट्रातील नव्हे, देशातील नव्हे जगातील सर्व लोकांसाठी छत्रपती शिवाजी महारांची जयंती हा एक सण आहे,” असं म्हटलं होतं.
तिथीनुसार शिवजयंती साजरी करायला जो आडकाठी आणतो, जो या मुद्द्याचंही किळसवाणं राजकारण करतो अशा राष्ट्रवादीच्या फालतू आमदाराला भर चौकात फटके मारायला पाहिजेत.
— Ameya Khopkar (@MNSAmeyaKhopkar) March 22, 2022
तसेच “तिथीनुसार शिवजयंती साजरी करायला जो आडकाठी आणतो, जो या मुद्द्याचंही किळसवाणं राजकारण करतो अशा राष्ट्रवादीच्या फालतू आमदाराला भर चौकात फटके मारायला पाहिजेत,” असं म्हणत मनसे नेते अमेय खोपकर यांनी ट्वीट करत अप्रत्यक्षपणे अमोल मिटकरी यांच्यावर निशाणा साधला.
माझ्या सवे लढाया वाघास बोलवा रे l
कुत्र्यास फाडण्याचा माझा स्वभाव नाही ll— आ. अमोल गोदावरी रामकृष्ण मिटकरी (@amolmitkari22) March 22, 2022
त्यांच्या या ट्विटवर अमोल मिटकरी यांनी देखील अप्रत्यक्ष उत्तर दिलं असून “माझ्या सवे लढाया वाघास बोलवा रे कुत्र्यास फाडण्याचा माझा स्वभाव नाही,” असं म्हटलं आहे.
महत्वाच्या बातम्या –
बातम्यांसाठी YouTube चॅनेल Subscribe करा
Subscribe Now
