नवी दिल्ली : भारतीय कसोटी संघाचा कर्णधार विराट कोहली (Virat Kohli) आणि इंग्लंड कसोटी संघाचा कर्णधार जो रूट यांच्यातील तुलनेवर पाकिस्तानचा माजी कर्णधार सलमान बटने मोठी प्रतिक्रिया दिली आहे. विराट कोहली हा इंग्लिश कर्णधार जो रूटपेक्षा (Joe Root) खूप पुढे असल्याचे सलमान बटने म्हटले आहे.
जो रूटच्या नेतृत्वाखाली इंग्लंड संघाला ऑस्ट्रेलियाविरुद्धच्या पहिल्या अॅशेस कसोटीत दारूण पराभवाला सामोरे जावे लागले आणि त्यानंतर जो रूटच्या कर्णधारपदावर अनेक प्रश्न उपस्थित झाले. सलमान बटनेही रूटच्या कर्णधारपदावर प्रश्न उपस्थित केले आहेत.
सलमान बटने जो रूटच्या कर्णधारपदाची विराट कोहलीशी तुलना केली आणि भारतीय कर्णधार त्याच्यापेक्षा खूप पुढे असल्याचे सांगितले. सलमान बट त्याच्या यूट्यूब चॅनलवर म्हणाला, विरोधी संघाला आव्हान देण्याची वृत्ती विराट कोहलीची आहे. फलंदाजी करताना तो खूप आक्रमक असतो आणि ऑस्ट्रेलियन परिस्थितीत चांगली फलंदाजी करणे खूप महत्त्वाचे असते. विराट कोहली, अग्रेसन, एट्टीट्यूड आणि दृष्टिकोन या बाबतीत रूटच्या पुढे आहे. जेव्हा रूट खूप धडपडत होता तेव्हा त्याच्या चेहऱ्यावर तणाव स्पष्ट दिसत होता आणि विराट कोहलीच्या चेहऱ्यावर ही गोष्ट आपल्याला पाहायला मिळत नाही. विराट कोहलीची बॉडी लँग्वेज रूटच्या तुलनेत खूपच चांगली आहे.
ऑस्ट्रेलियाविरुद्धच्या ब्रिस्बेन कसोटी सामन्यात इंग्लंड संघाला ९ विकेट्सनी पराभव स्वीकारावा लागला होता. आता दुसऱ्या कसोटी सामन्यात पुनरागमन करण्याचे आव्हान इंग्लंडसमोर आहे.
महत्त्वाच्या बातम्या
- ‘सर्व विरोधकांना एकत्र आणण्याचे काम फक्त शरद पवारच करु शकतात’
- सीबीआय, ईडी, इनकम टॅक्स माझ्यापर्यंत पोहोचू शकले नाही- संजय राऊत
- शरद पवार पक्ष स्थापनेपासून पंतप्रधान पदाची स्वप्न बघत आहेत- देवेंद्र फडणवीस
- सचिन सावंत यांनी ट्विट करत भाजपाला सांगितला राऊतांनी उच्चारलेल्या ‘त्या’ शब्दाचा अर्थ
- भाजप कार्यकर्त्यांविषयी केलेल्या ‘त्या’ वक्तव्यावरून; राऊतांविरोधात दिल्लीत तक्रार दाखल
