🕒 1 min read
नवी दिल्ली- उपराष्ट्रपती एम. वेंकैय्या नायडू यांची आज कोविड-19 चाचणी निगेटीव्ह आली आहे. कोविड-19 संक्रमणाचा संसर्ग झाल्यानंतर 29 सप्टेंबरपासून ते गृहविलगीकरणात होते. आज एम्सच्या वैद्यकीय चमूने उपराष्ट्रपती आणि त्यांच्या पत्नी उषा नायडू यांची केलेली कोविड-19 आरटी-पीसीआर चाचणी निगेटीव्ह आली आहे. उपराष्ट्रपती नायडू यांची तब्येत चांगली असून डॉक्टरांच्या सल्ल्यानुसार ते लवकरच दैनंदिन कार्य सुरु करतील. आरोग्यासाठी प्रार्थना केलेल्या सर्वांचे त्यांनी आभार मानले आहेत.
दरम्यान,इकडे राज्यात देखील कोरोनाने थैमान घातले आहे. मुंबईत सर्वाधिक कोरोनाबाधितांची रुग्ण संख्या आढळून आली आहे. सर्वसामान्यांसह लोकप्रतिनिधींनाही कोरोनाची लागण झाल्याचे समोर आले आहे. यातच आता शिवसेनेचे नेते आणि परिवहन मंत्री अनिल परब यांना कोरोनाची लक्षणं जाणवू लागली आहे. त्यामुळे त्यांना तातडीने लिलावती हॉस्पिटलमध्ये दाखल करण्यात आले आहे.
कोरोना, अनलॉकसह इतर राजकीय विषयांवर चर्चा करण्यासाठी उद्धव ठाकरेंनी आज वर्षा निवासस्थानी आमदारांची बैठक बोलवली होती. यात मुंबईतील आमदार सहभागी होणार होते. मात्र अनिल परब यांना कोरोना झाल्याचे समजताच मुख्यमंत्र्यांनी सावध पावित्रा घेतला आहे. त्यांनी वर्षावर बोलवलेली आजची बैठक रद्द केली आहे.
महत्वाच्या बातम्या-
- ‘काँग्रेसची मंडळी केवळ राजकारणासाठी नव्या कृषी कायद्यांना विरोध करत आहेत’
- मंदिरे उघडण्यासाठी भाजपचे आंदोलन, प्रविण दरेकर-प्रसाद लाड पोलिसांच्या ताब्यात
- ‘उद्धव ठाकरे शिवसेनाप्रमुखांचे सुपुत्र; आम्हाला हिंदुत्वाचे धडे घेण्याची गरज नाही’
- ‘ऊर्जामंत्र्यांनी इतर राज्यात लक्ष देण्याऐवजी आपल्या खात्याच्या कारभारावर लक्ष देणे गरजेचे’
- महिलांवरील अत्याचार थांबेपर्यंत आघाडी सरकारला स्वस्थ बसू देणार नाही; पाटील यांचा इशारा
बातम्यांसाठी YouTube चॅनेल Subscribe करा
Subscribe Now
