मुंबई : कोरोनाचा वाढता धोका पाहता १८ वर्षांवरील सर्वांना कोरोना प्रतिबंधक लस देण्यात यावी अशी मागणी अनेक राजकीय नेते आणि वैद्यकीय तज्ञांनी केली होती. लसीकरण ही कोरोनाची साखळी तोडण्याचा एकमेव पर्याय असल्याने आता केंद्र सरकारने १ मे पासून १८ वर्षांवरील सर्व नागरिकांना कोरोना प्रतिबंधक लस देण्याचा निर्णय घेतला आहे.
पंतप्रधान नरेंद्र मोदींच्या बैठकीत हा मोठा निर्णय घेण्यात आला आहे. लस उत्पादकांनी ५० टक्के साठा राज्य सरकारला द्यावा, असे आदेश केंद्र सरकारने दिले आहेत. शासकीय रुग्णालयात कोरोना लस मोफत असेल तर खासगी रुग्णालयात तुम्हाला यासाठी पैसे मोजावे लागतील.
लस घेण्यासाठी काय कराल?
सर्वप्रथम cowin.gov.in या वेबसाईटला भेट द्या
येथे आधार कार्ड नंबर किंवा मोबाईल नंबर भरा
तुम्हाला ओटीपी मोबाईलवर मिळेल, नंबर टाकून नोंदणी करा
रजिस्ट्रेशन झाल्यानंतर तुम्ही लसीकरणासाठी दिवस आणि वेळ ठरवू शकता
हॉस्पिटलमध्ये जाऊन तुम्ही लस घेऊ शकता.
यावेळी तुम्हाली रेफ्रन्स आयडी मिळेल, याच्या माध्यमातून तुम्हाला लस सर्टिफिकेट मिळू शकते.
नोंदणी करताना काय आवश्यक?
आधारकार्ड, पॅनकार्ड, मतदानकार्ड, वाहन परवाना, आरोग्य विमा स्मार्ट कार्ड, महात्मा गांधी राष्ट्रीय ग्रामीण रोजगार कार्ड, पासपोर्ट, बँक/पोस्ट ऑफिसकडून जारी करण्यात आलेले पासबुक, पेन्शन डॉक्युमेंटॉसर्विस आयडेन्टी कार्ड (केंद्रीय/राज्य सरकारकडून जारी करण्यात आलेले) या ओळखपत्रांपैकी कोणताही एक पुरावा पाहिजे.
महत्त्वाच्या बातम्या
- ‘लस घेतलेल्या वारकऱ्यांना चैत्री वारीसाठी परवानगी द्या’, कीर्तनकार महासंघाची मागणी
- ‘नवाब मलिकांनी आता तरी तोंड काळे करावे’, भाजपच्या अतुल भातकळकरांचे आव्हान
- धक्कादायक! नऊ महिन्यांत महाराष्ट्रात १०२ पत्रकारांचा कोरोनाने मृत्यू
- ‘आमदार निधीतील एक कोटी घ्या; पण ऑक्सिजन व रेमडेसिविर द्या’
- संतापजनक! घरासमोर येऊन इशारे केल्याने अल्पवयीन मुलीची आत्महत्या
