औरंगाबाद : अमेरिकेच्या शिष्टमंडळाला जगप्रसिद्ध अजिंठा आणि वेरुळ लेणी पाहण्याची इच्छा असली तरी राज्य सरकारच्या आदेशानुसार शनिवार आणि रविवार या लेणी पर्यटकांसाठी बंद ठेवण्यात येत आहेत. त्यामुळे अमेरिकेचे शिष्टमंडळ खोळंबले आहे. या संदर्भात पर्यटन मंत्री आदित्य ठाकरे यांनी लेणी शनिवार आणि रविवारी खुल्या करण्याचे आदेश द्यावेत, अशी मागणी करण्यात आली आहे.
औरंगाबाद शहरापासून जवळच असलेल्या अजिंठा आणि वेरुळ इथल्या लेणी पाहण्यासाठी हजारो पर्यटक येत असतात. या पर्यटनावर शहर आणि जिल्ह्यातील अनेकांचा रोजगार अवलंबून आहे. मात्र, गेल्या दिड वर्षांपासून लॉकडाऊनमुळे हा व्यवसायिक त्रस्त आहे. आताही या लेणी खुल्या करण्यात आल्या असल्या तरी शनिवार आणि रविवार त्या बंद ठेवण्यात आल्या आहेत. त्यामुळे पर्यटकांचा हिरमुड होत आहे. अनेकदा कामानिमित्त शनिवार किंवा रविवार असाच वेळ मिळतो. त्यात आठवड्याच्या अखेरीस लेणी बंद राहत असल्याने पर्यटकांची संख्या कमी झाली आहे.
या संदर्भात औरंगाबादमधील प्रसिद्ध पर्यटन व्यावसायिक आणि पर्यटनावर आधारीत व्यावसायिकांची संघटना असलेल्या ‘एटीडीएफ’चे अध्यक्ष जसवंत सिंग यांनी पर्यटन मंत्री आदित्य ठाकरे यांना पत्र पाठवले आहे. यामध्ये त्यांनी शनिवार आणि रविवार लेणी खुली ठेवण्याची मागणी केली आहे. अजिंठा पर्यंत जाणाऱ्या रस्त्यांच्या कामाबाबतही लक्ष घालण्याची आवश्यकता त्यांनी या पत्रात नमूद केली आहे.
महत्त्वाच्या बातम्या
- ‘केंद्र आणि राज्य सरकारच्या भांडणात माझाच बळी जातोय’, प्रताप सरनाईकांची खंत
- ‘औरंगाबादच्या दीक्षा शिंदेंची नासात निवड ही अफवा!’, खा.जलील यांचे ट्विट
- ‘भारताने अद्यापही तालिबानवर बंदी का घातली नाही?’, ओवेसींचा मोदींना सवाल
- महाविकास आघाडीचा निर्णय! आशा स्वयंसेविकांना हजार रुपये, गटप्रवर्तकांना १२०० रुपये वाढ
- महाविकास आघाडीतील तीन पक्ष आता शेवटची तडफड करतायत – चंद्रकांत पाटील
