विराटच्या अंडर १९ संघाच्या कोचचा खुलासा “विराटला आयपीएलच्या पहिल्या कमाईतुन…”

🕒 1 min read

मुंबई : २००८ च्या यशस्वी युवा विश्वचषक स्पर्धेतील भारतीय संघचे U19 प्रशिक्षक डेव्ह व्हॉटमोर यांनी त्यावेळी उत्साही असलेल्या विराट कोहलीची आठवण करून दिली, ज्याला त्या वर्षीच्या आयपीएलच्या पहिल्याच आवृत्तीत रॉयल चॅलेंजर्स बंगलोर फ्रँचायझीमध्ये नुकतेच सामील करण्यात आले होते, आणि ज्याला त्या पैशाने कार खरेदी करायची होती.

विराट कोहलीने (virat kohli) त्या वर्षी मलेशियामध्ये अंडर १९ विश्वचषक (U19WC) स्पर्धेत भारताचे नेतृत्व केले होते. कोचने (Dav whatmore) त्यावेळी विराट कोहली कसा होता याबाबत मजेशीर गोष्टी सांगितल्या आहेत. ” त्याला अंडर १९ विश्वचषक जिंकायचा होता, जर ते जिंकले नसते तर जणू काही त्याचे समाधान होणार नव्हते. आयपीएलच्या पहिल्या ऑक्शन दरम्यान असे घडले की संघातील मुलांमध्ये त्यांच्यापैकी काही निवडल्या जाण्याच्या शक्यतेबद्दल बरीच चर्चा झाली. त्यावेळी विराटने त्याच्या काही सहकाऱ्यांना सांगितले की त्याला लीगमधून मिळालेल्या पैशातून त्याची पहिली कार घ्यायची आहे आणि त्यानंतर लगेचच त्याने एक कार खरेदी केली.”

डेव्ह व्हॉटमोर म्हणाले की कोहली नेहमीच खूप उत्साही होता. त्याने आपल्या संघातील खेळाडूंमधून सर्वोत्तम कामगिरी करवुन घेतली आणि मैदानावर आघाडीचे नेतृत्व केले. खेळताना बाहेरून भावना दाखवूनही तो आतून एक व्यक्ती म्हणून तयार झाला होता. “त्या दिवसांपासून, कोहलीची टेक्निक चांगली होती. तेव्हा तो अधिक ऑन साइड खेळाडू होता. भरपूर फ्लिक्स आणि ऑन-ड्राइव्ह खेळायचा. तो कव्हर ड्राईव्ह तेवढे खेळत नव्हता. तेव्हा तो शॉट आजच्या सारखा त्याच्याकडून बसत नव्हता. ते शॉट्स तो या प्रवासात शिकला. महान फलंदाज असेच असतात, ते नेहमीच काही ना काही शिकत असतात.”

महत्वाच्या बातम्या

• Breaking News : सुप्रीम कोर्टाने नाकारला मागासवर्ग आयोगाचा अंतरिम अहवाल
• OBC Reservation : “…तर ओबीसींची राजकीय हानी टळली असती”, राम सातपुतेंचा टोला
• Gangubai Kathiawadi : ‘गंगुबाई’ सुसाट… पाच दिवसात तब्बल ५५ कोटी रुपयांची केली कमाई
• ‘राज्यपालांनी माफी मागावी’; नाना पटोलेंची मागणी
• “भाजप आमदारांच्या बेशिस्तपणामुळे राज्यपालांना सभागृह सोडावे लागले”, जयंत पाटलांची टीका