🕒 1 min read
उस्मानाबाद: राज्यासह जिल्ह्यात कोरोनाचा कहर वाढत आहे. वाढता कहर लक्षात घेता, संपूर्ण जिल्ह्याची आरोग्य व्यवस्थेला बळकट करण्याचा प्रयत्न करीत आहे. पण त्यातच जिल्ह्यातील काही आरोग्य केंद्रात मनमानी कारभार चालू असल्याचे दिसून आले. तालुक्यातील मंगरुळ येथील प्राथमिक आरोग्य केंद्रातील वैद्यकीय अधिकारी डॉ. पुंड हे रुग्णालयात उपस्थित न राहता स्वत:च्या निवासस्थानी मद्यप्राशन केलेल्या अवस्थेत आढळून आल्याने एकच खळबळ उडाली आहे.
ही घटना सोमवारी दुपारी निदर्शनास आली. तुळजापूर पंसचे अधिकारी श्री. राऊत यांनी प्राथमिक आरोग्य केंद्रात जावून पाहणी केली असता ते अनुपस्थित असल्याचे दिसून आले. या प्रकरणाचा अहवाल गटविकास अधिकारी यांच्याकडे सादर केला आहे. मंगरूळ आरोग्य केंद्रातील अधिकारी, कर्मचाऱ्याच्या मनमानी कारभारामुळे रुग्णांना अनेक समस्यांचा सामना करावा लागत आहे. त्यामुळे या प्रकरणाची चौकशी करून दोषीविरूध्द कारवाई करावी, अशी मागणी होत आहे.मंगरुळ प्राथमिक आरोग्य केंद्रात रविवारी बाळांतपणासाठी महिला आली होती. यावेळी आरोग्य केंद्रात डॉ. पुंड हे उपस्थित नसल्याने कर्मचाऱ्यांनी त्या महिलेस तुळजापूर येथील रुग्णालयात जाण्याचा सल्ला दिला.
सोमवारी उपसरपंच महेश डोंगरे, शाम पाटील, आदम फकीर, सौदागर जाधव, विजय गरगडे, ग्रामसेवक एन. के. सुरवसे व ग्रामस्थ दु. १२ वा. आरोग्य केंद्रात आले असता डॉ. पुंड उपस्थित नसल्याचे दिसून आले. यावेळी ते निवासस्थानी असल्याचे सांगण्यात आले. तसेच महिला डॉक्टरही रजा न देता गैरहजर होत्या.उपसरपंच डोंगरे यांच्यासह ग्रामस्थ डॉ. पुंड यांच्या निवासस्थानी गेले असता ते मद्यधुंद अवस्थेत आढळून आले. या प्राथमिक आरोग्य केंद्रातील डॉक्टर, कर्मचारी अनेकवेळा अनुउपस्थित असतात.
महत्त्वाच्या बातम्या :
- अनिल देशमुख सर्वोच्च न्यायालयात दाद मागणार?
- ‘माझे प्राण माझीच जबाबदारी’ या भूमिकेत नागरिकांनाच शिरावे लागेल’
- ‘बीसीसीआयकडून योग्य ती खबरदारी ; खेळाडूंसाठी बायो-बबल तयार’
- ‘खराब कामगिरी करीत असताना देखील नेट्समध्ये फलंदाजी सरावास नकार’
- नेमके काय सुरु राहणार आणि काय बंद असणार याबाबत व्यापाऱ्यांमध्ये संभ्रम
बातम्यांसाठी YouTube चॅनेल Subscribe करा
Subscribe Now
