“उद्या ते महापालिकेतील शिपायांच्या घरीही धाडी टाकतील”, संजय राऊतांचा खोचक टोला

🕒 1 min read

मुंबई : शिवसेना नेते यशवंत जाधव (Yashwant Jadhav) यांच्या माझगावमधील निवासस्थानी आज(२५ फेब्रु.)पहाटेच ईडीने धाड टाकली आहे. दरम्यान, मुंबई महानगरपालिकेच्या निवडणुका होणार आहेत आणि या निवडणुकीपूर्वीच होत असलेल्या या कारवाईमुळे चर्चांना उधाण आले आहे. याच मुद्यावर शिवसेना खासदार संजय राऊत (Sanjay Raut) यांनी भाष्य केले आहे. तसेच केंद्रीय तपास यंत्रणा उद्या महापालिकेतील शिपायांच्या घरीही धाडी टाकतील, असा खोचक टोलाही राऊतांनी लगावला आहे.

यासंदर्भात प्रसार माध्यमांशी संवाद साधत असतांना राऊत म्हणाले की, ‘मुंबई महानगरपालिका निवडणुकीची प्रक्रिया लवकरच सुरु होणार आहे. त्यामुळे आता केंद्रीय तपास यंत्रणा महापालिकेतील शिपायांच्या घरीही धाडी टाकू शकतात. महापालिकेतील अनेक शिपाई शर्टाच्या खिशावर धनुष्यबाणाचं चिन्ह लावतात. त्यामुळे उद्या त्यांच्या घरावरही धाडी पडू शकतात’, असे राऊत म्हणाले.

दरम्यान, पुढे ते म्हणाले की, ‘केंद्रीय तपास यंत्रणांकडून खोटे गुन्हे दाखल केले जात असून २०२४ पर्यंत महाराष्ट्र, झारखंड, पश्चिम बंगाल, छत्तीसगढ आणि पंजाबला अशा कारवाया सहन कराव्या लागतील’, असा इशाराही राऊत यांनी यावेळी दिला आहे.

महत्वाच्या बातम्या:

• “…ते प्रकरण निवडणूक संपताच शांत झालं”, रोहित पवारांचे ट्विट चर्चेत

• IND vs SL : भारताने मालिकेतला पहिला सामना जिंकला

• Russia-Ukraine war : “…हे तुमचे-आमचे वास्तव”, युक्रेनने केलेले हिटलर-पुतिन यांचे कार्टून ट्विट चर्चेत

• “ठाकरे सरकारच्या “डर्टी डझन” मधील २ नावे मी विसरलो, ती म्हणजे…”, सोमय्यांचा हल्लाबोल

• Russia-Ukraine war : जागतिक दबाव तरी, युक्रेनमध्ये रशियाचे आक्रमण दुसऱ्या दिवशीही सुरूच