औरंगाबाद : सध्या चोऱ्यांचे सत्र थांबता थांबत नाही आहे. सध्या इंधन दरवाढीने सर्वसामान्यांचे कंबरडे मोदात असताना, चोरट्यांनी पेट्रोल पंपावर डल्ला मारत, ३ लाख ४५ रुपयांचे ३ हजार ४८० लिटर डीझेल चोरून नेले. हि घटना दि १७ रोजी रात्री श्री पेट्रोलीअम BPCL पंप चितेगाव येथे घडली. या प्रकरणी प्रदीप प्रल्हाद राठोड रा. N ३, सिडको यांच्या फिर्यादीवरून गुन्हा दाखल करण्यात आला आहे.
चितेगाव येथील पेट्रोल पंपच्या कंपौंडच्या तारा तोडून अज्ञात चोरट्यांनी पेट्रोल पंपा मध्ये प्रवेश केला. चोरट्यांनी डीझेलच्या टाकीचे झाकण तोडले, त्यानंतर टाकीमधून ३ हजार ४८० लिटर डीझेल चोरून नेले. हा प्रकार दि १७ रोजी रात्री १ ते ५ च्या दरम्यान घडला. हि माहिती प्रदीप राठोड यांना मिळाली. त्यांनी पेट्रोल पंप गाठला.
पंपाची पाहणी केल्यानंतर डीझेलच्या टाकी मधून डीझेल चोरी झाल्याचे समोर आले. त्यांनी तत्काळ पोलिसांना संपर्क करत घडलेल्या घटनेची माहिती दिली. पोलिसांनी घटनास्थळी धाव घेत पाहणी केली. या प्रकरणी चिकलठाणा पोलीस ठाण्यात गुन्हा दाखल करण्यात आला असून सपोनि विश्वास पाटील यांच्या मार्गदर्शनाखाली पो ह लहू थोटे तपास करीत आहे.
महत्त्वाच्या बातम्या
- ‘सरकारच्या आशीर्वादाने पोलीस पूजा चव्हाण केस दाबण्याचा प्रयत्न करत आहेत’
- वयाच्या ८८ व्या वर्षी भारताचे ‘मेट्रो मॅन’ ई. श्रीधरन करणार भाजपात प्रवेश
- ‘नाना पटोलेंचे ‘ते’ विधान केवळ प्रसिद्धीसाठी’ : फडणवीस
- ‘या’ तारखेला लाँच होणार स्कोडाची पहिली मेड इन इंडिया ‘संस्कृत’ नाव असलेली SUV कार
- अजानच्या आवाजाने अभिनेत्याची उडाली झोप; थेट मुख्यमंत्र्यांकडे केली ‘ही’ मागणी
