मुंबई : सोमवारी झालेल्या आयपीएलच्या सामन्यात पंजाब किंग्स संघाने राजस्थान रॉयल्सचा ४ धावांनी पराभव केला. विजय जरी पंजाब संघाने मिळवला असला तरी सगळीकडे चर्चा मात्र फक्त राजस्थानच्या संघाचा कर्णधार संजु सॅमसनच्या शतकी खेळीची होती. या सामन्यात संजु सॅमसनने ६३ चेंडुत ११९ धावा केल्या.
सामन्यात जरी पराभव स्विकारावा लागला तरी संजु सॅमसनने एका अनोख्या विक्रमाला गवसणी घातली आहे. आयपीएलच्या आजपर्यंतच्या इतिहासात कर्णधार म्हणून पहिल्याच सामन्यात शतक करणारा पहिला खेळाडू ठरला आहे. तसेच कर्णधार म्हणून पदार्पणात सर्वाधिक धावांचा श्रेयस अय्यरचा विक्रमही संजु सॅमसनने मोडीत काढला. श्रेयस अय्यरने पदार्पणात २०१८ च्या मोसमात ९३ धावा केल्या होत्या.
आयपीएलमधील संजूचे हे तिसरे शतक ठरले. भारताकडून आयपीएलमध्ये सर्वाधिक शतक करणाऱ्या फलंदाजांच्या यादीत विराट कोहलीनंतर संजूचा क्रमांक लागतो. विराटने पाच शतक केली आहेत. कर्णधार म्हणून संजु सॅमसनचा हा पहिलाच सामना होता. पंजाब किंग्सने दिलेल्या २२२ धावांच्या लक्ष्याचा पाठलाग करताना संजुने लक्ष्य जवळपास गाठलेच होते. मात्र आखेरच्या चेंडुवर विजयासाठी ६ धावांची गरज असताना तो झेलबाद झाला.
महत्वाच्या बातम्या
- उस्मानाबादेत कोरोना लसीकरणसाठी आजपासून नवे ६० केंद्र
- संपूर्ण लॉकडाऊनचा निर्णय घेतला नाहीतर आम्हीही दुकाने उघडणार,व्यापाऱ्यांचा प्रशासनाला इशारा
- आज रंगणार मुंबईविरुद्ध कोलकाता ; मुंबईसमोर मोठे आव्हान
- देवेंद्रजींबद्दल आता काय बोलणार…, मी पुन्हा येणार म्हणता-म्हणता ते आलेच नाहीत – बाळासाहेब थोरात
- दुसऱ्या सामन्याआधी मुंबई इंडियन्सच्या संघासाठी आनंदाची बातमी
