मुंबई : आयपीएलच्या सलामीच्या सामन्यात मुंबई इंडियन्सच्या संघाचा कोहलीच्या आरसीबीच्या संघाने पराभव केला होता. या सामन्यात प्रथम फलंदाजी करताना मुंबई इंडियन्सने १५९ धावांचे लक्ष्य ठेवले होते. आरसीबीने हे लक्ष्य ८ गड्याच्या मोबदल्यात पार केले. मात्र दुसऱ्या सामन्याआधी मुंबई इंडियन्सच्या संघात एका महत्वाच्या खेळाडूचे पुनरागमन झाले आहे.
मुंबई इंडियन्सचा नियमीत सलामिवीर क्विंटन डिकॉक आपला क्वारंटाईन कालावधी संपवून संघासाठी उपलब्ध झालेला आहे. दक्षिण आफ्रिकेच्या संघाची पाकिस्तानबरोबर सुरु मालिकेत डीकॉक खेळत होता. त्यानंतर कोरोना नियमानुसार डीकॉक क्वारंटाइन झाला होता आणि त्यामुळे सलामीच्या सामन्यात मुंबई इंडियन्सने सलामीवीर म्हणून ख्रिस लीनला संधी देण्यात आली होती.
सलामीच्या सामन्यात कर्णधार रोहित शर्मा चांगल्या सुरुवातीनंतर धावचीत झाला होता. रोहित बाद झाल्यानंतर ख्रिस लीन आणि सूर्यकुमार यादव यांनी चांगली फलंदाजी करत संघाला सावरले होते. लीनने चांगली फलंदाजी केली असल्यामुळे मुंबईच्या संघनिवडीवर प्रश्नचिन्ह उभे राहिले आहे. कारण लीनने चांगली फलंदाजी केली असल्याने त्याला वगळण्याचा धोका मुंबई पत्कारेल का. तर एकीकडे संघात केवळ चारच विदेशी खेळाडूंची मर्यादा असल्याने डिकॉक आणि लिन दोघांना खेळवले तर मार्कोला संघाबाहेर जावे लागेल. त्यामुळे गोलंदाजीचा एक पर्याय कमी होईल.
महत्वाच्या बातम्या
- ‘मी पुन्हा येईन’च्या चक्करमध्ये महाराष्ट्राच्या जनतेचा जीव धोक्यात घालण्याचे पातक भाजपा करत आहे – लोंढे
- रेमडेसिविर इंजेक्शन 25 हजार रुपयांना विकताना डॉक्टरला केली पोलिसांनी अटक
- तयारी लॉकडाऊनची! उस्मानाबादेत मद्यप्रेमींची दुकानांवर तोबा गर्दी
- गुढी पाडव्यानिमीत्त मुंबई इंडियन्सच्या खास शुभेच्छा
- नंदुरबारमध्ये बिकट परिस्थिती, बेड उपलब्ध नसल्याने रुग्ण गुजरातच्या वाटेवर
