‘…तर अजित पवार आणि अनिल परबांविरोधात देखील सीबीआय लागेल’; चंद्रकांत पाटलांच्या विधानाने खळबळ

🕒 1 min read

पुणे : उद्योगपती मुकेश अंबानी यांच्या घराजवळ स्फोटकांनी भरलेली गाडी ठेवल्याचा आरोप आणि 100 कोटी वसुली प्रकरणात एनआयएने सचिन वाझेला अटक केली आहे. सचिन वाझे हा अटकेत असतानाच वसुलीप्रकरणी उपमुख्यमंत्री अजित पवार आणि परिवहन मंत्री अनिल परब यांचे देखील नाव घेतले होते. यानंतर भाजपने या दोघांची सीबीआय चौकशीची मागणी केली होती.

जुलै महिन्यात पवार आणि परब यांच्याविरोधात गुन्हा दाखल करा अशी मागणी करणारी याचिका मुंबई हायकोर्टात दाखल करण्यात आली होती. तर, भाजपने राज्यस्तरीय बैठकीमध्ये या दोन्ही नेत्यांच्या सोबीआय चौकशी करण्यासाठीचा ठराव मंजूर केला होता. आता भाजप प्रदेशाध्यक्ष आणि आमदार चंद्रकांत पाटील यांनी पुन्हा एकदा सीबीआय चौकशीबाबत भाष्य केलं आहे.

‘अजित पवार आणि अनिल परबांविरोधात तक्रार दाखल करण्यात आलेली आहे. पिंपरी-चिंचवड पोलीसात ही तक्रार दाखल करण्यात आली आहे. थोडे दिवस थांबा कार्यवाहीची मुदत संपत आली आहे. जर ती कार्यवाही झाली नाही, तर कोर्टात दाद मागणार. परमबीर सिंगाच्या पत्रावर सीबीआय लागली तर यांच्यावर ही लागेल,’ असा सूचक इशारा चंद्रकांत पाटील यांनी दिला आहे.

महत्त्वाच्या बातम्या

• ‘माझ्या गाडीत जबरदस्तीने रिव्हॉल्व्हर ठेवली’ ; करुणा मुंडेंचा धनंजय मुंडेंवर आरोप
• राज्यात राजकीय संघर्ष; एकमेकांवर आरोप करताना मर्यादेचा विसर पडतोय – शरद पवार
• शेतकरी आंदोलक आक्रमक ; राकेश टिकैत यांनी केली २७ सप्टेंबरला भारत बंदची घोषणा
• अजिंक्य रहाणे शून्यावर बाद; नेटकरी म्हणाले, ‘जारवोप्रमाणे रहाणेला ओढून बाहेर काढा’
• ‘वसंतदादा पाटलांचं काय झालं?, पवारांवर आता…’; चंद्रकांतदादांनी दिलं राऊतांना ‘उदाहरण’