औरंगाबाद : मिटमिटा येथील शंभर एकर जमिनीवर सफारी पार्क उभारले जाणार आहे. या संपूर्ण परिसराला एखाद्या किल्ल्यासारखा लूक दिला जाणार आहे. नियोजनानुसार लवकरच पहिल्या टप्प्यातील कामालाही प्रारंभ होणार आहे. मात्र, मागील पंधरा दिवसांपासून सफारी पार्कसाठी दाखल झालेल्या निविदांचे तांत्रिक मुल्यांकनाचे काम संथगतीने सुरू आहे. त्यामुळे अद्याप कंत्राटदार कंपनी अंतिम झालेली नाही.
निविदांच्या तांत्रिक मुल्यांकनास आणखी आठवडाभराचा अवधी लागणार आहे. स्मार्ट सिटीच्या निधीतून पडेगाव परिसरातील मिटमिटा येथील गट क्रमांक-३०७ मधील माळरानावर सफारी पार्क प्रकल्प राबवला जाणार आहे. स्मार्ट सिटी डेव्हलपमेंट कॉर्पोरेशन लिमिटेड कंपनीने या कामासाठी १४७ कोटींचा निधीही मंजूर केला आहे. पहिल्या टप्यातील कामांसाठी १५ कोटीची निविदा काढण्यात आली होती. त्यानुसार १७ एजन्सींनी या कामासाठी निविदा दाखल केल्या आहेत. मागील पंधरा दिवसांपासून या निविदांच्या तांत्रिक मुल्यांकनाचे काम सुरू आहे.
मात्र हे काम संथगतीने सुरू असल्याने अद्यापही निविदा अंतिम झालेल्या नाहीत. याबाबत स्मार्ट सिटी कंपनीचे उपमुख्य कार्यकारी अधिकारी पुष्कल शिवम यांना विचारले असता त्यांनी सांगितले की, सध्या अजून निविदांच्या तांत्रिक मुल्यांकनाचे काम सुरु आहे. ते पूर्ण होण्यास अजून आठवडाभराचा अवधी लागणार आहे. तांत्रिक मुल्यांकन पूर्ण झाल्यानंतरच निविदा अंतिम करून निगोसेशन केले जाईल. वाढीव दर आल्यास कमी करण्यासाठी संबंधित एजन्सीशी चर्चा केली जाईल. नंतर प्रस्ताव मंजुरीसाठी स्मार्ट सिटी बोर्डाकडे सादर केला जाईल.
महत्वाच्या बातम्या
- शेतकऱ्यांना दहशतवादी ठरवणारे तुम्ही कोण?; रुपाली चाकणकर यांचा कंगणावर निशाणा
- खडसेंची अटक टळणार का ? ; आज होणार सुनावणी
- ऑलिम्पिकची तयारी सुरू; जपानमध्ये मात्र स्पर्धेलाला विरोध !
- राहुल गांधींच्या ‘त्या’ प्रश्नावर भाजपने काढला राहुल यांचा खापर पणजोबा!
- ट्रॅक्टर रॅलीत दगावलेल्या शेतकऱ्याच्या कुटुंबीयांना भेटण्यासाठी प्रियंका गांधी रवाना

