नांदेड : इंधन दरवाढ, कोरोना काळातील अपयश आणि अच्छे दिनाच्या स्वप्नांचा झालेला चुराडा याचे अपयश झाकण्यासाठी भारतीय जनता पक्षाकडून दररोज कथित घोटाळे काढण्यात येत आहेत. मूळ प्रश्नांपासून लोकांना भटकावण्याचे काम सध्या सुरु आहे. त्यामुळे विरोधी पक्षाची अवस्था बिघडलेल्या बबड्यासारखी झाली आहे, असा टोला शिवसेना उपनेत्या निलम गोऱ्हे यांनी भाजपला लगावला आहे.
नांदेड जिल्ह्यातील देगलूर-बिलोली विधानसभा पोटनिवडणुकीच्या प्रचारासाठी त्या नांदेडात आल्या होत्या. यावेळी गोऱ्हे यांनी भाजपवर टीकास्त्र सोडले. त्या म्हणाल्या, भल्या पहाटेचे काही तासांचे सरकार आल्यानंतर केंद्राकडून आलेले दहा हजार कोटी रुपये परत करण्याचा कोत्तेपणाचा निर्णय भाजपाने घेतला होता. अन् आता शेतकऱ्यांना महाविकास आघाडी सरकार मदत करीत असताना कोट्यवधींची मदत यांना फुटकी कवडी वाटते याचे आश्चर्य आहे.
मोदी सरकारबद्दल लोकांमध्ये संताप आहे. पण अपयश झाकण्यासाठी दररोज बर्निंग ट्रेनसारखे आरोप करीत सुटायचे हेच काम सुरु आहे. भाजपाचे नेते शिवसेनेचे आमदार खिशात असल्याचे सांगत सुटले आहेत. परंतु यांच्या खिशात केवळ काडीपेटी आहे. काडी टाकायची, आग लागली तर उत्तम नाही तर निघणाऱ्या धूरामुळे जनतेच्या डोळ्यात धूळ फेकायची असा यांचा अजेंडा आहे असा आरोपही त्यांनी केला.
महत्त्वाच्या बातम्या
- जिल्हा न्यायालयांना लोकल रिट्स काढण्याचे अधिकार देण्याची मागणी
- समीर वानखेडे कोणत्याही पक्षासाठी काम करत नाहीत- क्रांती रेडकर
- समीर वानखेडेंच्या जात प्रमाणपत्रावरील नवाब मालिकांनी केलेले आरोप खोटे? कागदपत्रे आली समोर
- बँकेचा कस्टमर केअर नंबर शोधणे महागात, सव्वा लाखाला ऑनलाइन गंडा
- रेस्टॉरंटमध्ये विसरली मुलाला; आयुषमानच्या पत्नीने सांगितला ‘तो’ किस्सा
