औरंगाबाद : पिशोर सिल्लोड रस्त्यालगत राशा टेकड लगत असलेल्या नाल्यात एक पुरुष जातीचे प्रेत कुजलेल्या अवस्थेत आढळून आले. दुपारी दोन वाजे दरम्यान उघडकीस आली. शाम भगवान दांडगे (५०) रा. जाधव गल्ली पिशोर असे मृत व्यक्तीचे नाव आहे.
याबाबत पोलीस सूत्राकडून मिळालेल्या माहिती नुसार, राशा टेकडी नजीक एका पुरुष जातीचे प्रेत कुजलेल्या अवस्थेत असल्याची माहिती पिशोर पोलिसांना मिळाली. पोलिसांनी घटनास्थळी धाव घेतली. परिसरातील शेतकरी व नागरिकांना याची माहिती देण्यात आली. सदरील व्यक्ती पिशोर मधील जाधव गल्ली भागातील शाम भगवान दांडगे असे असल्याची माहिती मिळाली.
यावरून दांडगे यांच्या पत्नी व मुलांना बोलावून शहानिशा केली असता ते शाम दांडगे हेच असल्याची खात्री पटली. नाचनवेल प्राथमिक आरोग्य केंद्राच्या डॉ. बावस्कर यांनी जागीच शवविच्छेदन केले. रात्री आठ वाजेच्या सुमारास दांडगे यांचा अंत्यविधी करण्यात आला. पिशोर पोलीस ठाण्यात घटनेची नोंद घेण्यात आली असून पोलीस अधिक तपास करीत आहेत.
महत्वाच्या बातम्या
- ‘अश्विन आणि जाडेजा या दोघांनाही खेळवावे’ : सुनील गावस्कर
- दोन आठवड्यात मेल्ट्रॉन कोविड केअर सेंटरमध्ये उभा राहणार ऑक्सिजन प्लांट!
- ‘….तर राष्ट्रवादी आणि शिवसेनेला महाराष्ट्र हिताचा विचार करून एकत्र लढावेच लागेल’
- दानवे म्हणाले, ‘संजय राऊत चावी दिल्यावर बोलतात’; आता राऊतांच सडेतोड प्रत्युत्तर !
- काळी, सफेद, पिवळ्या बुरशीनंतर आता ‘या’ राज्यात हिरव्या बुरशीचा रुग्ण
