देवरिया- देशात कोरोनाने थैमान घातले आहे. दिवसेंदिवस कोरोना रुग्णांची संख्या वाढत असतान देखील अनेक महाभाग कोरोना नियमांचे उल्लंघन करताना दिसून येत आहेत.
उत्तर प्रदेशमध्ये कोरोनाच्या रुग्णसंख्येत गेल्या काही दिवसांत मोठ्या प्रमाणावर वाढ होत असल्याचं पाहायला मिळत आहे. परिस्थिती बिकट बनत चालली असल्यामुळे प्रशासनानं नागरिकांनी नियमांचं पालन करावं यासाठी कठोर कारवाई सुरू केली आहे. विशेषतः कोरोनाच्या काळात मास्क न घालणाऱ्या आणि सोशल डिस्टन्सिंगसारख्या नियमांचं पालन न करणाऱ्यांवर दंडात्मक कारवाई केली जात आहे.
उत्तर प्रदेशच्या देवरियामध्येही पोलिसांनी केलेली कारवाई सध्या चांगलाच चर्चेचा विषय बनली आहे. याठिकाणी पोलिसांनी सोमवारी एका व्यक्तीला मास्क परिधान केलं नाही म्हणून चक्क 10 हजारांचा दंड ठोठावला गेल्याने या कारवाई बाबत चांगलीच चर्चा होत आहे.
उत्तर प्रदेश: देवरिया में मास्क न पहनने पर एक व्यक्ति पर 10,000 रुपये का जुर्माना लगाया गया।
श्रीपति मिश्र एसपी देवरिया ने बताया, "2 दिन पहले एक व्यक्ति का 1000 रुपये का चालान काटा गया। पुलिस ने उन्हें मास्क भी दिया। फिर भी मास्क न लगाने के लिए 10,000 रुपये का चालान किया गया।" pic.twitter.com/tzTVWfU1oT
— ANI_HindiNews (@AHindinews) April 19, 2021
देवरियाचे पोलिस अधीक्षक श्रीपती मित्र यांनी दिलेल्या माहितीनुसार, दोन दिवसांपूर्वी हाच व्यक्ती पोलिसांच्या तपासणीमध्ये मास्क परिधान न करता फिरताना आढळला होता. त्यावेळी पोलिसांनी त्याच्यावर दंडात्मक कारवाईही केली. त्याला 1 हजार रुपयांचा दंड ठोठावण्यात आला. पण त्यातून त्यानं काहीही धडा घेतला नाही. दोन दिवसांनंतर पुन्हा पोलिसांना तो विनामास्क फिरताना आढळला तर पोलिसांनी त्याला 10 हजारांचा दंड ठोठावला.
महत्त्वाच्या बातम्या
- भारतीय नौदलाची धडक कारवाई, तब्बल 3000 कोटी रूपयांचे अंमली पदार्थ केले जप्त
- कुंभमेळ्यातून परतणाऱ्या भाविकांना क्वॉरन्टाइन करा, एमआयएमची मागणी
- ‘महाविकास आघाडी नव्हे, हे तर महाकन्फ्यूज सरकार’, चित्रा वाघ यांचा हल्लाबोल
- ‘कोरोना काळात जीवनावश्यक वस्तूंची साठेबाजी जराही खपवून घेतली जाणार नाही’
- ‘लस घेतलेल्या वारकऱ्यांना चैत्री वारीसाठी परवानगी द्या’, कीर्तनकार महासंघाची मागणी
बातम्यांसाठी YouTube चॅनेल Subscribe करा
Subscribe Now
