“देशासाठी सीमेवर लढणाऱ्या तमाम जवानांना छत्रपती शिवरायांचे स्मारक प्रेरणादायी ठरेल”

🕒 1 min read

मुंबई : सर्वांना अभिमान वाटावा असे कार्य भारतीय सैन्यदलाने केले आहे. देशाच्या उत्तरी भागात जम्मू काश्‍मीर येथे तैनात असलेल्या मराठा रेजिमेंटने मच्छलच्या खोऱ्यात नियंत्रण रेषाजवळ छत्रपती शिवाजी महाराजांची (Statue of Chhatrapati Shivaji Maharaj) प्रतिकृती स्थापित केली आहे. ही मूर्ती १४ हजार ८०० फूट उंचावर स्थापन करण्यात आली आहे. जगात पहिल्यांदाच छत्रपती शिवाजी महाराजांची प्रतिकृती एवढ्या उंचीवर बसवण्यात आली आहे. दरम्यान, देशासाठी सीमेवर लढणाऱ्या तमाम जवानांना छत्रपती शिवरायांचे हे स्मारक प्रेरणादायी ठरेल, असे वक्तव्य राष्ट्रवादीचे खासदार अमोल कोल्हे(Amol Kolhe) यांनी केले आहे.

यासंदर्भात अमोल कोल्हे यांनी ट्विट केले असून ट्विटमध्ये ते म्हणाले आहेत की,’स्वराज्य संस्थापक छत्रपती शिवाजी महाराज आजही तमाम भारतीयांचे प्रेरणास्रोत व आदर्श आहेत. देशाच्या उत्तरी भागात जम्मू काश्‍मीर येथे तैनात असलेल्या मराठा रेजिमेंटने मच्छलच्या खोऱ्यात नियंत्रण रेषेजवळ १४ हजार ८०० फूट उंचीवर छत्रपती शिवाजी महाराजांचा अश्वारूढ पुतळा स्थापित केला आहे.’

स्वराज्य संस्थापक छत्रपती शिवाजी महाराज आजही तमाम भारतीयांचे प्रेरणास्रोत व आदर्श आहेत. देशाच्या उत्तरी भागात जम्मू काश्‍मीर येथे तैनात असलेल्या मराठा रेजिमेंटने मच्छलच्या खोऱ्यात नियंत्रण रेषेजवळ १४ हजार ८०० फूट उंचीवर छत्रपती शिवाजी महाराजांचा अश्वारूढ पुतळा स्थापित केला आहे. pic.twitter.com/RYuuLM6Ker

— Dr.Amol Kolhe (@kolhe_amol) January 22, 2022

दरम्यान, जगात प्रथमच महाराजांचा पुतळा इतक्या उंचावर बसविण्यात आला आहे. महाराजांचा पुतळा पुण्यातील पंचवीस वर्षीय तरुण मूर्तिकार अजिंक्य लोहगावकर यांनी साकारला आहे, तर मच्छल बटालियनचे कर्नल प्रणव पवार यांनी सदर मच्छल या ठिकाणी स्थापित केला आहे.देशासाठी सीमेवर लढणाऱ्या तमाम जवानांना छत्रपती शिवाजी महाराजांचे स्मारक सदैव प्रेरणादायी ठरेल. सर्व जवानांना माझा सलाम, असे अमोल कोल्हे म्हणाले आहेत.

महत्वाच्या बातम्या:

• “मुंबईतील आग घटनेत मृत्यूमुखी पडलेल्या नागरिकांच्या कुटुंबियांना सरकारकडून ५ लाख रुपयांची भरपाई”
• डिसले गुरुजींच्या अमेरिकेत पीएच.डी.ला शिक्षणमंत्री वर्षा गायकवाड यांचा हिरवा कंदिल
• मुंबईतील धक्कादायक घटना; २० मजली इमारतीत अग्नी तांडव, १५ जखमी तर ६ जणांचा मृत्यू
• सत्तार हे सत्तेच्या मागे धावणारे नेते; आज इथे तर उद्या तिथे, डॉ. भागवत कराडांची सणसणीत टिका!
• भाजप मंत्र्याचे गजब कृत्य; बंद खोलीत अधिकाऱ्यांना चोपले, एकाचा हाथ तुटला