मुंबई : आजपासून विधिमंडळाचे हिवाळी अधिवेशन (Maharashtra winter session 2021) सुरु झाले आहे. या अधिवेशनात जवळपास २६ विधेयके चर्चेला घेण्यात येणार आहेत. २८ डिसेंबर रोजी हे अधिवेशन संपणार आहे. आज ठाकरे सरकारमधील विधानसभा अध्यक्षाचीही निवड केली जाणार आहे. विरोधक विविध प्रश्नांवरुन महाविकास आघाडी सरकारवर टीका करत आहेत. विधान परिषदेचे विरोधीपक्ष नेते प्रविण दरेकर (Pravin Darekar) यांनी राज्य सरकारवर टीका केली आहे.
प्रविण दरेकर म्हणाले, काम रोखणारे व रोखीने व्यवहार करणारे हे ‘रोखशाहीचे’ सरकार आहे. हे सरकार अतिवृष्टी बाधित शेतकऱ्यांना मदत व पीकविमा देऊ शकले नाही. महाराष्ट्रात शेतकऱ्यांच्या वीज पंपाचे कनेक्शन कापले गेले, एसटी आंदोलन नीट हाताळता आले नाही, भरती परीक्षांचा गोंधळ या सर्व पातळीवर सरकार अपयशी ठरले आहे. अशी टीका प्रविण दरेकर यांनी महाविकास आघाडी सरकारवर केली आहे.
काम रोखणारे व रोखीने व्यवहार करणारे हे 'रोखशाहीचे' सरकार आहे. हे सरकार अतिवृष्टी बाधित शेतकऱ्यांना मदत व पीकविमा देऊ शकले नाही. महाराष्ट्रात शेतकऱ्यांच्या वीज पंपाचे कनेक्शन कापले गेले, एसटी आंदोलन नीट हाताळता आले नाही, भरती परीक्षांचा गोंधळ या सर्व पातळीवर सरकार अपयशी ठरले आहे. pic.twitter.com/uDms0vPi6t
— Pravin Darekar – प्रविण दरेकर (@mipravindarekar) December 22, 2021
विधिमंडळाचे हिवाळी अधिवेशन दरवर्षी नागपुरला होते यंदा मात्र ते मुंबईत होणार आहे. यापूर्वी उपमुख्यमंत्री अजित पवार यांनी विरोधकांनी केलेल्या टीकेला प्रत्युत्तर दिले असून तुम्ही महाविकास आघाडी सरकारवर अविश्वास ठराव आणाच, असं चॅलेंज केलं आहे. त्यामुळे हे अधिवेशन चांगलेच गाजण्याचे चिन्हे दिसत आहेत.
महत्वाच्या बातम्या
- “तुमच्या सल्ल्यावर राज्य चालत नाही”, चंद्रकांत पाटलांवर राऊतांचा हल्लाबोल
- एसटी कर्मचाऱ्यांनी टोकाचा निर्णय घेण्याची वेळ आणू नये-अजित पवार
- पुढील आठवड्यात ‘शक्ती’ कायदा विधानसभेत मंजूर करण्यात येईल- दिलीप वळसे पाटील
- हिवाळी अधिवेशनात मांडले जाणार २६ विधेयके आणि अध्यादेश, वाचा सविस्तर
- “…या अधिवेशनात सर्व सामान्यांचे हित विचारात घेऊन निर्णय घेतले जातील”, अजित पवारांची ग्वाही
