🕒 1 min read
बीड: धारूर कृषी उत्पन्न बाजार समिती गेल्या पंधरा दिवसांपासून संचालकांच्या राजीनामा नाट्यामुळे चर्चेत होती. ती चर्चा थांबली नाही तोच बाजार समितीचे कार्यकारी मंडळाची ऑनलाइन बैठक २४ एप्रिल रोजी बोलवण्यात आली आहे, मात्र आता ही बैठक रद्द करण्याची मागणी करण्यात येत आहे. बाजार समितीचे संचालक चिंतामणी सोळंके यांनी कली आहे. यामुळे बाजार समितीमधील संचालकांतील वाद पुन्हा एकदा समोर आल आहे.
बाजार समितीच्या दोन संचालकांनी पंधरा दिवसांपूर्वीच राजीनामे देत बंड केले होते. यावरून सुरू झालेली चर्चा थांबत नाही तोच आता झुम मीटिंगला एका संचालकाने विरोध केला आहे. यामुळे धारूर बाजार समितीत सर्व काही अलबेल आहे, असे दिसत नाही. संचालकांच्या राजीनामा नाट्यामुळे चर्चेत होती. ती चर्चा थांबली नाही तोच बाजार समितीचे कार्यकारी मंडळाची ऑनलाइन बैठक २४ एप्रिल रोजी बोलवण्यात आली आहे. यांचा अजेंड्यात नवीन नोकरभरतीसाठी उपसमिती नेमणे, नवीन बांधकामाची बिले काढणे हे विषय ठेवण्यात आले आहेत.
आवश्यक व महत्त्वपूर्ण विषयासाठीच बैठक घ्यावी असे आदेश असताना गैरप्रकार करण्यासाठी गडबडीत बैठक घेऊन विषय मंजूर करून घेण्याचा प्रयत्न करत आहेत, असा आरोप संचालक चिंतामण सोळंके यांनी केला आहे. हा प्रकार गैर असून अनेक संचालकाकडे अँड्रॉईड मोबाइल नाहीत. अनेक सदस्यांना झुम अॅप वापराबाबत पुरेशी माहिती नसल्याने ते बैठकीला उपस्थित राहू शकत नाहीत. काही संचालकांच्या गावात मोबाइलची रेंज नाही. या सर्व बाबीचा विचार करून ही २४ एप्रिलची बैठक रद्द करावी, आशी मागणी बाजार समितीचे संचालक सोंळके यांनी बाजार समितीचे सभापती व सचिव यांच्याकडे लेखी स्वरूपात केली आहे. जर ही बैठक घेतली व हे ठराव घेतले तर सर्वस्वी जबाबदार सभापती व सचिव राहतील असेही त्यांनी निवेदनात नमूद केले आहे.
महत्वाच्या बातम्या
- उस्मानाबादेत गंभीर रुग्णांची संख्या दिवसेंदिवस वाढू लागली, दररोज लागतोय ४६ हजार लिटर ऑक्सिजन
- CBIने गुन्हा दाखल केल्यानंतर जयश्री पाटील आक्रमक, देशमुखांना अटक करण्याची केली मागणी
- गरजेनुसारच नातेवाइकांना रुग्णालयात प्रवेश द्या – सीईओ अजित कुंभार
- महाविकास आघाडीने उच्च न्यायालयाचा निकाल सोईने वाचला- दरेकर
- वडिलांच्या निधनानंतर भाग्यश्री लिमयेने केलं मन मोकळं; शेअर केली भावनिक पोस्ट
