वडिलांच्या निधनानंतर भाग्यश्री लिमयेने केलं मन मोकळं; शेअर केली भावनिक पोस्ट

🕒 1 min read

मुंबई : मागील वर्षापासुन जगभरात कोरोनाने थैमान घालुन माणसाचे जगणे मुश्किल करुन टाकले आहे. कोरोनाशी देश गेल्या वर्षभरापासुन लढा देत आहे. यादरम्यान अनेकांनी आपल्या जवळच्या व्यक्तिंना गमावले. यातच अभिनेत्री भाग्यश्री लिमयेनेही तिच्या वडिलांना कोरोनामुळे गमावले. त्यांच्या निधनानंतर पहिल्यांदाच तिने भावनाना मोकळी वाट करुन दिली आहे.

भाग्यश्रीने इन्स्टाग्रामवर पोस्ट करत तिचं मन मोकळं करत जन्मदात्याला गमावल्याचं दुःख तिने तिच्या पोस्टमधून मांडलं आहे. या पोस्टमध्ये वडिलांना इस्पितळात नेल्यापासूनचा संपूर्ण प्रवास लिहिला आहे. तीने लिहीले आहे. ‘कोरोनाचा काळ हा कठीण आहे. माझे बाबा करोनाने गेले ही घटना इतक्या झटक्यात घडली की आपल्या हातात खरंच काही नाही या सत्याची अनुभूती पुन्हा एकदा धक्का देऊन गेली. माझ्या कोणत्या ही विश्वासावरचा माझाच विश्वास उडाला.’

https://www.instagram.com/p/CN_v4w0pZae/

ती पुढे लिहीते की, ‘बाबा आयसीयूमध्ये असताना, पलीकडच्या वॉर्डमध्ये नवीन जन्म होत असताना मी पाहायचे. वाटायचं, काय उपयोग या जगात येऊन. उद्या तुम्हाला ही ‘आयुष्य’ या नावाच्या मायाजळातून जावं लागणार आहे. आयुष्य या संकल्पनेचा राग आला होता’ या पोस्टमध्ये भाग्यश्रीने वडीलासोबतच्या आखेरच्या क्षणांचे वर्णन करत लिहीले की ‘शेवटच्या दोन दिवसात बाबांची टेस्ट निगेटिव्ह आल्यानंतर त्यांना आयसीयूमधून बाहेर शिफ्ट केलं. त्यांनी ही लढाई जिंकली असा समज माझ्या घरच्यांचा झाला. पण बाबांची तब्येत सुधारणार नसुन ते काहीक्षण बाबा माझ्या बरोबर असणार याची जाणीव मलाच होती. ‘कदाचित काय घडणार आहे माहित असुनही दोघांनाही एकमेकांना सत्याची जाणीव नव्हती करून द्यायची. आयुष्याचं रहस्य, त्यातलं सत्य हे कळणं अशक्य आहे पण तो स्पर्श, या जगात माझ्यावर जीवापाड प्रेम करणाऱ्या माझ्या बाबांचा स्पर्श मात्र खरा जाणवला. ‘ अशी पोस्ट करत तिने जगण्यातील हतबलता सगळ्यांसमोर मांडली.

महत्वाच्या बातम्या

• लसीकरणासाठी गर्दी होऊ नये म्हणून कडा या गावात वापरली ‘ही’ पद्धत
• कुछ कशाला ठाकरे सरकार म्हणजे शत प्रतिशत गडबड घोटाळा है; भाजपचे राऊतांना प्रत्युत्तर
• अभिनेत्री हिना खानच्या वडिलांच्या निधनानंतर गौहर खान झाली ‘या’ कारणासाठी ट्रोल
• संचारबंदीमुळे परभणी एसटी महामंडळाला लाखोंचा फटका, प्रवाशी मिळेना !
• काहीजण सुपात आहेत तर काहीजण जात्यात आहेत; CBIच्या धाडीनंतर चंद्रकांतदादांचे सूचक वक्तव्य