नवी दिल्ली : काँग्रेस खासदार राहुल गांधी यांनी देशातील या कोरोना संकटात जनतेला एकमेकांची मदत करण्याचे आणि या आंधळ्या ‘सिस्टम’ला सत्य दाखवण्याचे आवाहन केले. दूरदृष्टी असलेल्या केंद्र सरकारची देशाला गरज असल्याचेही ते म्हणाले.
जो भरा नहीं है भावों से,
जो दर्द सुनने को तैयार नहीं,
वह हृदय नहीं है पत्थर है,
जिस ‘सिस्टम’ को जन से प्यार नहीं!— Rahul Gandhi (@RahulGandhi) April 29, 2021
राहुल गांधी यांनी आपल्या ट्विटमध्ये मोदी सरकारवर खोचक टीका केली. सामान्य लोक एकमेकांची मदत करत आहेत. एखाद्याच्या हृदयाला स्पर्श करण्यासाठी हात लावण्याची गरज नसते. मदतीचा हात देत चला, या आंधळ्या सिस्टमला आरसा दाखवत चला, असे ट्विट राहुल गांधी यांनी केले. नव्या संसद इमारतीसह केंद्रीय कार्यालयांच्या नव्या इमारतींच्या बांधणीचा समावेश असलेल्या सेंट्रल व्हिस्टा प्रकल्पावरदेखील राहुल यांनी टीका केली. सध्या सेंट्रल व्हिस्टा हे देशाचे प्राधान्य नसून दूरदृष्टी असलेल्या केंद्र सरकारची देशाला गरज आहे, असे राहुल म्हणाले.
एक दूसरे की सहायता करते आम जन दिखाते हैं कि किसी का दिल छूने के लिए हाथ छूने की ज़रूरत नहीं।
मदद का हाथ बढ़ाते चलो
इस अंधे ‘सिस्टम’ का सच दिखाते चलो!#TogetherStronger— Rahul Gandhi (@RahulGandhi) April 28, 2021
काँग्रेस प्रवक्ते रणदीप सुरजेवाला यांनी दिल्लीच्या स्मशानभूमींमध्ये अंत्यसंस्कारासाठी २० तासांपर्यंत वाट बघावी लागत असल्याच्या बातमीचा दाखला देत मोदी सरकारला लक्ष्य केले. हा मानवतेविरोधात गुन्हा आहे. एकामागे एक अंत्यसंस्कार सुरूच असून पीडितांना २० तासांपर्यंत वाट बघावी लागत आहे. अहंकारी राज्यकर्त्यांच्या पाषाण हृदयाचा हा पुरावा आहे. आपल्याच लोकांच्या मृतदेहांच्या पायावर सरकार बळकट होऊ शकत नाही. ही छायाचित्रे आणि या घटना मोदी सरकारला आयुष्यभर छळतील, असा घणाघात सुरजेवाला यांनी केला. कोरोना महामारीच्या परिस्थितीवर काँग्रेस नेते दररोज मोदी सरकावर टीकेची झोड उठवत आहेत.
महत्वाच्या बातम्या
- ‘वीज का गेली? याची माहिती मिळणार आता मोबाईलवर
- वऱ्हाड निघालंय पोलीस स्टेशनला! हळदीला गर्दी झाल्याने महिला सरपंचावर गुन्हा
- राज्य सरकारने आकडेवारीची लपवाछपवी करू नये-फडणवीस
- ‘युपी, गुजरातपेक्षा महाराष्ट्रात परिस्थिती चांगली’, मेधा पाटकर यांची प्रतिक्रिया
- ‘सभा, कमी लसीकरणामुळे भारतात परिस्थिती बिघडली’, डब्ल्यूएचओने सुनावले
