मुंबई : स्थानिक स्वराज्य संस्था व विधानसभा निवडणूकीत महाराष्ट्रातील मतदारांना ईव्हीएम व्यतिरिक्त मतपत्रिकेव्दारे देखील मतदान करण्याचा पर्याय/सुविधा उपलब्ध करुन देण्याच्यादृष्टीने कायदा महाराष्ट्र विधानमंडळाने तयार करावा अशा स्पष्ट सुचना महाराष्ट्र विधानसभेचे अध्यक्ष नाना पटोले यांनी दिल्या आहेत. नाना पटोले यांनी मतपत्रिकांबाबत सूचना केल्यानंतर विविध नेते प्रतिक्रिया देत आहेत. यापूर्वी भाजपच्या नेत्यांनी देखील विविध प्रकरच्या प्रतिक्रिया यावर दिल्या होत्या.
आता उपमुख्यमंत्री अजित पवार यांनीही त्यावर प्रतिक्रिया व्यक्त दिली आहे. ‘लोकसभेला भाजपच्या जागा जास्त आल्या आणि इतर पक्षांच्या बोटावर मोजण्याइतक्या आल्या तेव्हा तो राग मशीनवर काढला गेला. निवडणुकीच्या काळात काही भुरटे फिरत असतात. आम्हाला पॅकेज द्या, आम्ही मतं फिरवून दाखवतो, असं हे भुरटे लोक सांगत असतात. त्यामुळे विधानसभा अध्यक्षांनी मतपत्रिकेद्वारे मतदान घेण्याची भूमिका घेतली असू शकते. त्यांना तो अधिकार आहे. आम्हालाही मंत्रीमंडळात चर्चा करण्याचा अधिकार आहे आणि मते मांडण्याचा अधिकार आहे. शेवटी मुख्यमंत्री सगळ्यांची मते एकून घेतील आणि योग्य तो निर्णय घेतील,’ असं अजित पवार म्हणाले आहेत.
अजित पवार यांच्या प्रतिक्रियेवरून भाजप आमदार राम कदम यांनी मात्र काँग्रेसवर बोचरी टीका केली आहे. ‘काँग्रेस पक्षाची लाजिरवाणी परिस्थिती . एकीकडे शिवसेना दररोज हाणते आहे आणि राष्ट्रवादी भीक घालायला तयार नाही. स्वाभिमान आहे की नाही. कॉंग्रेस ला सरकार मध्ये शुन्य किम्मत हेच वरीलव्हिडीओ वरुन स्पष्ट होते.’ असं ट्विट राम कदम यांनी केलं आहे.
#कॉंग्रेस पक्षाची लाजिरवाणी परिस्थिती . एकीकडे #शिवसेना दररोज हाणते आहे. आणी राष्ट्रवादी भीक घालायला तयार नाही. स्वाभिमान आहे की नाही. कॉंग्रेस ला सरकार मध्ये शुन्य किम्मत हेच वरील विडीवो वरुन स्पष्ट होते. pic.twitter.com/hkZ3mr3Vov
— Ram Kadam (@ramkadam) February 4, 2021
महत्वाच्या बातम्या
- काँग्रेसला उपमुख्यमंत्रीपद मिळणार ? अजित पवारांनी चर्चा धुडकावल्या !
- धनंजय मुंडेच नव्हे तर महाराष्ट्रातील ‘या’ नेत्यांवर देखील झाले आहेत गंभीर स्वरूपाचे आरोप
- पेट्रोल-डिझेलची दरवाढ ही केंद्राच्या हाती; अजित पवारांचे फडणवीसांना प्रत्युत्तर
- ‘शेतकऱ्यांना १० एकरात १०० कोटीची वांगी लावण्याचा मंत्र मात्र न चुकता द्या’
- उत्तरेकडील वाऱ्यामुळे तापमानात घट, परभणीचे तापमान ९.१ अंश
