कोल्हापूर : महाराष्ट्रासह देशात कोरोना संसर्गाने पुन्हा एकदा थैमान घातले आहे. यामुळे राज्यातील आरोग्य सुविधा अपुऱ्या पडत असून संसर्गाला आळा घालण्यासाठी राज्यात कडक निर्बंधांसह वीकेंड लॉकडाऊन घोषित करण्यात आला आहे. तसेच, गेले काही दिवस राज्यात लॉकडाऊन लावण्याबाबत तयारी देखील सुरु आहेत.
वाढत्या कोरोनाच्या पार्श्वभूमीवर लॉकडाऊन बाबतच्या निर्णयाआधी मुख्यमंत्री उद्धव ठाकरे यांनी विविध नेत्यांसह अधिकाऱ्यांसोबत देखील बैठकीचा सपाटा लावला आहे. सर्वपक्षीय नेत्यांसोबत बैठक झाल्यानंतर मंत्रिमंडळ बैठक, राज्याचे मुख्य सचिव सचिन कुंटे यांच्यासोबत बैठक पार पडल्या असून मुख्यमंत्री उद्धव ठाकरे हे मंगळवारी जनतेशी संवाद साधणार आहेत.
दरम्यान, गेले काही दिवस मंत्र्यांसह माध्यमांसमोर येऊन लॉकडाऊनबाबत विविध विधाने करत आहेत. याच मुद्द्यावरून भाजप प्रदेशाध्यक्ष व आमदार चंद्रकांत पाटील यांनी मुख्यमंत्री उद्धव ठाकरे यांच्यावर निशाणा साधला आहे. ‘मला कुणी तरी एक मेसेज पाठवला. सगळ्यांशी चर्चा झालेली आहे. आता फक्त कोरोनाशी चर्चा बाकी आहे. त्यानंतर निर्णय घोषित केला जाईल, असं त्या मेसेजमध्ये म्हटलं होतं,’ असं भाष्य करत माध्यमांशी संवाद साधताना त्यांनी उद्धव ठाकरेंना टोला लगावला आहे.
महत्त्वाच्या बातम्या
- मायच्यान कोणाचाही नाद करा, पण पवार साहेबांचा नाद करु नका – धनंजय मुंडे
- कुंभमेळ्यातील गर्दीवरून संजय राऊतांची प्रतिक्रिया, म्हणाले..
- …म्हणून आशिष शेलार यांनी मानले वर्षा गायकवाड यांचे आभार
- महाविकास आघाडीच्या ‘त्या’ निर्णयाचं चित्रा वाघ यांनी केलं स्वागत !
- उद्धव काका घरी किराणा पाठवणार आहेत का? डीमार्ट बंद झाल्याने तरुणीचा संतप्त सवाल
