लातूर महापालिकेच्या एका जागेसाठी नऊ उमदेवारांचे दहा अर्ज

टीम महाराष्ट्र देशा : लातूर महापालिकेच्या येथील प्रभाग 11 अ च्या पोटनिवडणुकीसाठी उमेदवारी अर्ज दाखल करण्याच्या शेवटच्या दिवशी नऊ उमदेवारांचे दहा अर्ज दाखल झाले आहेत. अर्जांची छाननी केली जाणार आहे.

येथील प्रभाग अकराचे भाजपचे नगरसेवक शिवकुमार गवळी यांचे काही दिवसांपूर्वी निधन झाले होते. त्यामुळे ही जागा रिक्त झाली होती. या जागेवर आता निवडणूक होत आहे. या एका जागेसाठी नऊ उमेदवारांचे दहा अर्ज दाखल झाले आहेत.

यात कॉंग्रेसच्या वतीने विकास वाघमारे, भारतीय जनता पक्षाच्या वतीने निखिल गायकवाड, भारिप बहुजन महासंघाच्या वतीने सुजाता अंजनीकर यांनी अर्ज दाखल केला आहे. तसेच बालाजी शिंदे, अजय सुरवसे, अमोल कांबळे, सचिन कांबळे, संजय ओहळ, प्रवीण कांबळे यांनही उमेदवारी अर्ज दाखल केले आहेत. मंगळवारी अर्जांची छाननी केली जाणार आहे. निवडणूक निर्णय अधिकारी म्हणून उपविभागीय अधिकारी सुनील यादव हे काम पाहत आहेत.